Во НУ Библиотека „Григор Прличев“ – Охрид денеска на пригодна свеченост жирито ги соопшти резултатите од неодамна одржаниот Општински натпревар „Млади библиотекари”.
Првото место во силна конкуренција од уште 18 ученици од основните училишта: „Св Климент Охридски“, „Григор Прличев“, „Христо Узунов“ , „Живко Чинго“, „Кочо Рацин“ „Св. Наум Охридски“ и „Ванчо Николески“ го освои деветтоодделенката Софија Алачкоска под менторство на наставничката Фила Веровска – Стојковска.
Ментори на останатите ученици – натпреварувачи беа: Снежана Стојаноска, Благица Мутлакоска, Валентина Рубаноска,Мери Крстеска, Санта Миткова, Наташа Митреска и Ана Пупиноска – Стојкоска.
НУ Библиотека „Григор Прличев“ сите учесници и ментори ги награди со благодарници и одбрани книги.
Софија Алачкоска ќе го претставува Охрид на Републичкиот натпревар во Скопје во Градската библиотека „Браќа Миладиновци“ закажан за 15 ноември.
Организатор на натпреварот е Библиотекарското здружение на Македонија.
