Пред 2 години фотографот Стојан Стојановски од Охрид започна со своја лична иницијатива: да го претстави Охрид во сите 4 сезони во едно пакување – календар. Секако, календарите во најголем дел се состојат од 12 фотографии за 12 месеци од годината.
Сите фотографии се авторско дело на фотографот Стојан Стојановски, кој низ 12-те месеци во годината континуирано го фотографира Охрид во различни бои и природни сценографии. Оние кои го следат Стојан на социјалните мрежи, имаат можност да го следат и Охрид секојдневно, бидејќи 365 дена од годината се објавува нова фотографија од градот и околината. На крајот од годината најдобрите фотографии се дизајнираат во 3 верзии на календари за наредната година.
Календарите се достапни за купување на македонски и светски пазар (Америка, Европа, Австралија) и тоа со директна достава до домот. Од средствата добиени со продажба на календарот, Стојан продолжува наредната година да креира нова приказна за Охрид и да ни открива преку фотографија и видео нови места и убавини кои ги крие градот.
Негова цел е да го привлече вниманието на наши и странски туристи со природната убавина која ја имаме во избилство, во која за жал се помалку уживаме, и која не знаеме да ја промовираме како еден уникат и реткост во Европа, па и пошироко.
Да поддржуваме повеќе вакви иницијативи и таленти кои преку сопствени средства и труд прават светски прозвод, и успешна промоција на нашиот град и земја.
Линк за нарачки на календарите:
http://ohridphotography.com/product-category/calendars/
Публицитет.мк
