По редицата промоции низ Македонија и нејзиното објавување на македонски и преводите на англиски, германски и албански неодамна книгата „Говорот на телото“ од д-р Зендел Абедин Шехи беше преведена и на српски,а на 8 февруари се случи и промоцијата на српското издание во Белград.
Во библиотеката „Милутин Бојиќ“ тимот од Скопје од Европскиот институт за менаџмент, право и дипломатија предводен од д-р Абедин – Шехи и Верица Пандиловска стекнаа нови пријатели во тимот на тамошната библиотека и посебно како што ни рекоа им благодарат за помошта и соработката на Олга Јечменица на Марија Живановиќ и на Дејан Милиќевиќ.
Авторот на книгата д-р Зендел Абедин Шехи е претседател и основач на ЕУ ИНСТИТУТОТ . Тој е човек со огромно искуство во менаџмент, меѓународно право и дипломатија, но и експерт за говор на тело и комуникација.
Човекот со визија и сон вели: “Имам еден сон кога еден ден сите граѓани ќе сфатат дека унитарноста и респектот на заедничките вредности ќе ги инвестираат во доверба и љубов каде што луѓето без предрасуди и омраза, без причина ќе научат со заеднички сили да ги победат сите препреки што ги ограничуваат да бидат дел од светот што припаѓаат.“
Промоцијата на книгата го отвори патот Институтот наскоро да организира и работилници во престолнината на Србија, Белград.
Публицитет.мк