Утревечер по 23 часот на „Публицитет.мк “ побарајте го новото издание на аудио форматот МОЈОТ ЖИВОТ, МОЈОТ СВЕТ .
Овој пат трагаме по приказните од животот на д-р Трајче Талевски од Хидробиолошкиот институт во Охрид.
Отворено за неговоиот ангажман во областа на екологијата, дали се чувствува како Дон Кихот со ветерниците? Има ли надеж за спас на нашето Езеро? За потребата Охрид да има Музеј на Езерото за одблиску луѓето да се запознаат со ендемичното богатство на растителниот и животински свет во него.
Следуваат звучни слики за детството минато крај реката Црна која како што вели д-р Талевски му била како судбинска предодредба да се занимава со биологијата која вели дека е динамична професија, за разлика од нас обичните кои мислиме дека тоа една сосема спокојна наука и дека занимавањето со неа е лесно.
Д-р Талевски ги открива моментите од честото селење како син на воено лице во Косовска Митровица во која живеел неколку години а сега има желба да ја посети во Битола менувајќи две локации. Со посебна жар ни зборуваше за средношколските денови , битолското корзо, киното, неизбежните тепачки , не негови ама на битолските мангупи, како во Битола никој не е без прекар, ривалитетот меѓу двете Гимназии…
И да не откриваме се по ред. Потсетуваме – утревечер по 23 часот – следи „Мојот живот, мојот свет “ со д-р Трајче Талевски.
Публицитет.мк
