Денеска во организација на Македонскиот полициски синдикат во Охрид ќе се одржи меѓународна трибина на тема: „Унапредување на соработката на полициските синдикати од Балканските земји“.
На трибината ќе присуствуваат делегации од полициските синдикати од 10 земји и Генералниот секретар на Советот на европските полициски синдикати Герт Прием.
Денеска во 14,00 часот во спортската сала „Климент Колески“ во Охрид ќе бидат отворени 14 – те Спортски игри и средби на членовите на Македонскиот полициски синдикат на кои ќе учестуваат околу 400 членови на Македонскиот полициски синдикат вработени во МВР на РМ и Агенцијата за разузнавање.
На чинот на отворањето на Игрите се очекува да присуствуваат Министерот за внатрешни работи на Република Македонија Оливер Спасовски, Директорот на Бирото за јавна безбедност Лазо Велковски и Директорот на Агенцијата за разузнавање Зоран Иванов.
Публицитет.мк