Охридскиот уметник Сашо Блажес деновиве се врати од Берлин по успешното претставување на неговите уметнички дела во галеријата „Прима Центар“.
Од 27 октомври до 11 ноември во галеријата на познатиот Јован Балов беше отворена изложбата „Страст за носталгија“. Доволен повод за блиц прашања на кои во стилот на уметниците кои најмногу сакаат да комуницираат со боите, платната и четките отколку да прераскажуваат и Блажес ни одговори, дека делата се одговор на нашите прашања. Но сликата за настанот ќе ја збогатат фотографиите од неговите денови минати во Берлин.
Ваша оценка за претставувањето во Берлин. Успеа ли Балов да ја покрене стручната критика и обичните гледачи да ги заинтересираат да видат дела на уметник од Македонија?
Оваа изложба е мое прво претставување пред Берлинската ликовна сцена. Се претставив со еден дел од делата од претпоследниот циклус „Страст за носталгија“ и едно дело од следниот проект на кој моментално работам. Благодарение на организаторот на изложбата Јован Балов имав можност на отворањето а и деновите потоа да се запознаам со дел од критичката ликовна фела, критичари , уметници но и љубители на ликовната уметност со акцент на сликарството денес, заинтересирани за мојата уметност и она што го работам. Чувствувам особено задоволство што најголемиот дел од публиката нескриено беа воодушевени од тоа што го работам и со сигурност ќе имам и други претставувања во Берлин во иднина. Покрај тоа сакам да истакнам дека истата вечер на уметничката вибрантна сцена во Берлин имаше 25 отворања на самостојни изложби .
Ќе го видат ли други низ Европа она што беше прикажано во Берлин?
-Да има некои предлози меѓутоа кога ќе дојде време за тоа .
А нови музи и инспирација?
– Моментално веќе работам на нешто ново една нова тема а тука Берлин ми даде само малку повеќе “напојување”.
Публицитет.мк
