Центарот за физикална терапија Алта Центар во Струга се занимава со лекување на заболувања областа на ортопедијата, неврологијата, хирургијата и од други медицински гранки, од воспалителен, дегенеративен и трауматски карактер на костно-скелетниот и нервно-мускулниот апарат.
Што е Физикалната терапија?
Тоа е примена на електротерапија за постигнување тераписко дејство. Примената во медицината ја пронашла со откривањето на позитивниот ефект врз структурите на нервно-мускулниот систем.
Со Физикална терапија постигнуваме топлински ефект кој што делува на проширување на крвните садови, постигнуваме аналгетско дејство преку стимулирање на нервните рецептори кои пренесуваат информација за болка, делуваме на зголемување на мускулнтата маса преку стимулација на оштетените нерви, како и силен противоточен и противвоспалителен ефект.
Во Алта Центар, со најсовремени апарати , од електротерапија практикуваме:
- ултразвук терапија
- тенс-транскутна електрична нервна стимулација
- дијодинамик
- галванизација
- интерферентини струи
- мускулни стимулации
- нервни електростимулации
Кинезитерапија
Кинезитерапија (kinesis-движење и therapy-лекување) претставува област од физиотерапијата кој што се занимава со примена на движењата во лекувањето, а целта и е воспоставување на оптимална функционалност на одделните сегменти на телото и на организмот како целина.
Кинезитерапијата како дел од физиотерапијата претставува еден од најважните аспекти на медицинската рехабилитација. Кинезитерапијата претставува примена на систематизирани движења на одделните делови на телото или на цело тело во форма на вежби, со цел зачувуање, воспоставување, развивање и компензација на функциите на локомоторниот апарат, како и на органите и органските системи кои се во директна врска со локомоцијата. Целта на кинезитерапијата е максимално искористување на сите потенцијали на пациентот кој што го третираме, со акцент на оптималното возможно опоравување на оштетената функција на локомоторниот апарат.
Кинезитерапијата се практикува скоро во сите области на медицината, кај голем број заболувања и патолошки состојби, но и со превентивна цел. Апсолутни контраиндикации практично нема, а релативните се малку.
Уште поголемо значење кинезитерапијата добива затоа што преку движењето се доведуваат до ангажирање и преку тоа позитивно се делува и на останатите органски системи: кардиоваскуларниот, респираторниот, нервниот, ендокринолошкиот и др.
Затоа денес кинезитерапијата е најважен дел од рехабилитацијата, не само кај повредите на костно-зглобниот апарат, но и кај болести на срцето, крвните садови, респираторните болести, невролошките, ендокринолошките и други заболувања.
Правилното планирање, прилагодување на вежбите според проблeмот и можностите на пациентот, како и правилното дозирање на оптоварувањето во третамaнот бара добро познавање на таа наука и затоа многу е важно третманот да го изведуваат терапевти со соодветно образование.
Формите на кинезитерапија кои што ги спроведуваме во алта центар се:
- терапевтски вежби
- дишна гимнастика
- постурална реедукација
- проприоцептивен тренинг (PNF метод)
Масажа
Масажата претставува метод при кој што механичката енергија се пренесува врз мускулите и сврзните ткива преку кожата и нејзините структури во вид на притисок и системска примена на специјалните методиски зафати и техники.
Специјализирани сме за повеќе видови масажи:
Вo алта центар, од 2010година па до денес, со успех лекуваме:
- Дископатии
- Лумбоишиалгии
- Спондилози
- Периартрити (болки во рамото)
- Воспалителни, ревматолошки заболувања и трауматски повреди на зглобовите
- ‘Рбетни деформитети кај деца и возрасни, сколиози, кифози, неправилно држење на телото, рамни стапала
- Рехабилитација после скршеници на коски, операции на зглобовите
- Спортски повреди
- Паркинсонизам
- Невролошки заболувања, парези, парализи
- Рехабилитација после мозочен удар
- Рехабилитација после срцев инфаркт
- Мигрена,главоболка
- Дискус хернија
Пишува : Адријана Сулејман, дипломиран физиотерапевт
Публицитет.мк
