Никола Павлески го знаат како еден од кајчарите со кого најубаво ви минува времето кога сакате за миг да заминете во откинатото парче од Рајот – изворите кај Свети Наум.
-Им раскажувам на гостите, понекогаш им пеам и оттаму излегоа анегдотите од книгата „Веселото кајче“ . Забележав уште 25 анегдоти кои кои се случија во тој микро простор и лани излезе второто издание на оваа збирка. Трпејца е моето родно село во кое живеам паралелно на релацијата Охрид – Трпејца – Св. Наум, вели Павлески за „Публицитет.мк“
Пред шест години фотографот Никола Павлески ја издаде книгата со неговите анегдоти под наслов „Веселото кајче“. Првото издание беше двојазично – македонски и англиски.
Во меѓувреме Павлески напиша нови 25 анегдоти кои се вметнати во новото издание на книгата која е посебно печатена на македонски и на англиски јазик.И двете изданија беа промовирани на манифестацијата НА ЗАЈДИСОНЦЕ во Трпејца.
Деновиве Павлески кој е и одличен фотограф и тоа го покажува со низата изложби ни соопшти дека од печат излезе „Веселото кајче“ преведена на турски јазик.
Не е мал бројот на гости од Турција кои со задоволство ги слушаат неговите анегдоти во Св Наум на изворите. Очигледно од таму е родена идејата анегдотите да се отпечатат и на туриски јазик.
Публицитет.мк
