Денеска во ОЕМУЦ „Св. Наум Охридски“ беа презентирани компаниите „ Костал„, ЛТХ – Лерница“ и „ОДВ- Електрик“ како потенцијални фирми во кои идните кадри од овој образовен центар ќе можат професионално да се реализираат и усовршуваат. На настанот присуствуваа советниците при општина Охрид, Сашо Ставрески, Елеонора Куноска и Рената Арнаудова.
Пред гостите , професорите и учениците беше промовирана и пилот паралелката „Техничар за индустриска мехатроника“.
- Целта на овој проект е формирање паралелка со дуално образование. Истата ќе се формира на први септември учебната 2018/19 година и ќе брои 24 ученици. Учениците ќе учат по германски образовен систем односно 40 % од наставата ќе се одвива во компаниите партнери, „Костал“, „ОДВ- Електрик“ и „ЛТХ- Лерница“, а 60 % од наставата ќе биде теоретска и ќе се реализира во нашето училиште- вели директорот на ОЕМУЦ „Св. Наум Охридски“, Сашо Недески.
На презентацијата беа присутни и претставници од делегацијата на Германското стопанство во Македонија кои се координатори на проектот.
Извор: www.ohrid.gov.mk
