На 8 мај 1828 година роден е големиот хуманист Анри Динан, основоположник на идејата за движењето на Црвениот крст. Во негова чест 8 мај се одбележува како Светски ден на Црвениот крст и Црвената полумесечина, а неделата од 8-15 мај, како Недела на Црвениот крст и Црвената полумесечина.
По тој повод Црвен крст Охрид се вклучува во глобалната кампања на Меѓународната Федерација на друштвата на Црвен крст и Црвена полумесечина која се одвива под мотото „Што ви се допаѓа во Црвениот крст и Црвената полумесечина” #ЉУБОВ.
Во тие рамки ќе бидат организирани низа активности.На 8 мај во 10 часот ќе биде положено свежо цвеќе на бистата од Анри Динан пред седиштето на Црвен крст Охрид. Половина час потоа ќе започне Отворен ИНФО ДЕН – прием во седиштето на Црвен крст Охрид за децата од предучилишните установи и учениците од основните училишта во Охрид, каде преку промотивни материјали и видео проекции ќе се запознаат со мисијата на движењето на Црвениот крст, со активностите на Црвен крст Охрид и како се станува волонтер на Црвен крст.
На Факултетот за туризам и угостителство во Охрид од 10 до 14 часот ќе се одржи крводарителска акција.
Во рамките на Неделата на Црвениот крст и Црвената полумесечина, од 8-ми до 15-ти мај ќе се спроведат и работилници за дисеминација-ширењето на знаењата за Црвениот крст со волонтерите на Црвен крст Охрид.
Публицитет.мк
