Локална агенција за развој, Струга веќе трета година по ред го имплементира проектот Мозаиците на Југоисточна Европа – SEE MOSIACS под патронството на УНЕСКО и ICCROM мисијата за таргетирање на видливоста на светското културно наследство (WHL) во регионот на Југоисточна Европа (SEE).
И оваа година SEE MOSIACS III ќе се одржи во Охрид од денеска до септември.
-Охрид е на листата на Светското културно наследство делумно поради својата богата збирка на антички мозаици. Во текот на претходните наши средби успеавме да ја запознаеме нашата експертска група со дел од 22 евидентирани локалитети со антички мозаици околу Охридското Езеро.
Годинешниот состанок е замислен како дебата на која учесниците ќе имаат можност да го презентираат креативниот процес на решавање на проблемите и предизвиците во заштитата на културното наследство со употреба на нови алтернативни подвижни носачи и напредни техники за документација.
Никола Упевче
Состаноците на нашата група SEE MOSAICS се финансиски подпомогната од ЦЕИ (CEI) Централна Европска Иницијатива.
Учесниците на SEE MOSIACS III се водечките експерти во областа на заштитата на мозаикот од Австрија, Италија, Франција, Шпанија и претставници конзерватори и реставратори од институциите на сите земји од ЈИЕ.
Во програмата се вклучени активностите за предавања и дискусии, придружна изложба на постер презентации и практикуми, како и научна екскурзија со посета на локалитети од светско природно и културно значење, вели Никола Упевче , проектен координатор на средбата.
Публицитет.мк