Вчера, во рамките на седмото издание на манифестацијата „Скопје креатива“ беа одржани два настани поврзани со стрип уметноста.
Најпрво беше промовирана книгата „Македонскиот стрип “во изданијата на новосадски „Дневник“, од Александар Стеванов, во соработка со Дарко Богданов и Сашо Гачев, а потоа беше промовирано новото македонско стрип списание „Деветка“, во издаваштво на „Стрип квадрат“.
Списанието „Деветка“ е списание посветено исклучиво на стрипот. Во овај прв број застапени се дванаесет стрип автори од Македонија, со вкупно 43 страници во стрип.Цели 11 страници од списанието се посветени на разни рубрики, меѓу кои мини стрип курс, рецензија, интервју и теоретски текст за цензурата во стрипот. Последните 4 страници се стрип илустрации, а на самата корица од внатрешната страна и надворешната задна корица, добивате уште два дополнителни хумористични стрипа.
Свој придонес кон списанието имаа и нашите сограѓани од Охрид , Владимир Трајановски и Јордан Коцевски. Логото на ова ново списание е дизајнирано токму од страна на Трајановски, додека стрип сценаристот Коцевски е застапен со два стрипа (6 страници) во соработка со Игор Јовчевски и Дарко Богданов.
Списанието ќе излегува два пати годишно и се планира да биде дистрибуирано ширум трафиките во Македонија по цена од 90 денари. Издавачите „Стрип квадрат“ размислуваат и за негова промоција во Охрид.
Публицитет.мк
