Кубанското знаме било кренато денес пред зградата на амбасадата на Куба во Вашингтон, со што симболично бил означен новиот почеток во дипломатските односи меѓу двете земји.
Министерот за надворешни работи на Куба Бруно Родригез присуствувал на церемонијата која била одржана неколку часа откако повторно биле воспоставени целосните дипломатски односи меѓу САД и Куба.
Претходно денес кубанското знаме било поставено и во холот на Стејт департментот, меѓу знамињата на Хрватска и Кипар, и ова е првпат кубанското знаме да биде изложено таму, бидејќи таму знамињата биле првпат поставени на 5 јануари 1961, два дена откако САД ги прекинале дипломатските односи со Куба.
Претставништваат на САД и Куба во Хавана и Вашингтон, кои од 70-тите години биле замена за амбасади, денес на своите профили на Твитер ги промениле називите во амбасади.
Иако дипломатските односи меѓу двете се обновени по повеќе од 50 години, сепак остануваат спорни прашања меѓу двете земји – заемната побарувачка за економски репарации, инсистирањето ан Хавана на ставање крај на економското ембарго воведено пред 53 години и нарањето на САД Куба да ја унапреди состојбата на човековите права и демократијата.
Неколку истакнати републикански претседателски кандидати на Републиканската партија порачаа дека ќе ги поништат промените во политиката на САД кон Куба кои ги одобри претседателот Барак Обама.
САД да го симнат ембаргото и да ѝ го вратат Гвантанамо на Куба
Кубанскиот министер Родригез денес изјавил дек историското обновување на американско-кубанските односи ќе има смисла само ако САД го укинат сеопфатното трговско ембарго и ѝ ја вратат на Куба американската морнаричка база Гвантанамо.
„Историскиот настан на кој сме сведоци денес ќе има смисла само со отстранување на економските, комерцијалните и финансиските блокади кои му предизвикуваат толку многу штета на нашиот народ, како и со враќање на окупираната територија во Гвантанамо и почитување на суверенитетот на Куба“, кажал Родригез во амбасадата на Куба во Вашингтон.
Извор: МКД. мк
