Цел живот се даваат поуки и пораки, и тоа: во семејството, во фамилијата, во средината, во образовниот систем, во односот на државата кон своите граѓани, односно во сите пори на животот и во сите делови на светот.
Со цел да дадам најдобри насоки во животот, ќе изнесам бројни куси текстови и поучни нарации во духот на правилата за добро однесување (бонтон), но на своевиден начин. Сметам дека оваа серија, на недела дена по три поуки и пораки, ќе е корисно четиво за секој читател, значаен прилог за воспитување на добро однесување на секого.
10. ПОМИРУВАЈТЕ СЕ СО НЕКОИ ОБВИНЕНИЈА
Една народна поговорка данска гласи:
„Многу луѓе се како часовници – покажуваат едно време, а отчукуваат – друго“.
Гете воскликнува: „Повеќе ја сакам штетната вистина отколку корисната заблуда. Само вистината ја лекува болката што, можеби, самата ја создала“.
Од овие совети, во поширока смисла гледано, може да се заклучи дека за дел од луѓето се добиваат: неосновани навреди, лажни обвиненија, злобни кажувања, штетни однесувања.
Ќе добиете некои обвинувања надвор од логиката, па за извесен број бидете подготвени.
11. ОДЕТЕ ВО МУЗЕЈ, НА ИЗЛОЖБА
Предвидувањата дека во музејот, на изложбата или на некоја друга манифестација, ќе ви биде здодевно ќе ги разбиете, ако отидете на овие збиднувања под областа на културата во најширока смисла.
Културните вредности се за уживање. Затоа во исто време ги гледаме и „Беше еднаш на Дивиот Запад“ и „Господарот на прстените: враќањето на кралот“; ги читаме и „Илијадата“ и „Кодот на Да Винчи“…
Честертон вели дека „музика покрај ручек е навреда и за виолинистот и за готвачот“.
12. БИДЕТЕ ЗАДОВОЛНИ И СО ПОМАЛКУ
Народното верување е дека срцето не може да поднесе толку колку што бараат очите. Постои, исто така, изрека дека „човечкото око е ненаситно“.
Меѓу најуспешните клетви во еврејската народна традиција е: „Да имаш, па да немаш“.
Тоа значи дека полесно се поднесува кога некоја работа не се поседувала (богатство, моќ, функција), отколку што се страда кога нешто такво ќе се изгуби.
Во еден расказ од полската литература се обработува темата „Колку земја му треба на човекот“? Индиректниот одговор е: не повеќе од место за неговиот гроб.
Затоа скромноста се смета за вистинска доблест.
Пишува
Академик д-р Миле Д. Миќуновиќ од Охрид
„Уште не сум видел некого кој бил претепан тоа да го заборавил, ама стопати сум видел како луѓето ги забораваат советите и поуките“ – Иво Андриќ
Фото: Илустрација од Google
