Претседателот на месниот комитет на ДПМНЕ Пештани, кој важи близок до Кирил Пецаков е фатен како поседува и конзумира кокаин и тоа на среде кафетерија во Охрид, рече на прес Јован Крлев од СДСМ.
Александар Таломаноски познат како Дандаро, професор по музичко образование и вработен од Пецаков пред две години, важи за една од повлијателни фигури на ДПМНЕ во Охрид!
Скандалот е до толку поголем бидејќи истото ова лице е вработено во образование и ова претставува атак врз титулата просветен работник и врз образовниот процес воопшто. Но, она што секој еден граѓанин сега моментално се запрашува е : Кому му ги доверивме нашите деца во училиштата? ДПМНЕ покажа дека не им е важно кој се вработува и кој ќе ги учи и воспитува децата; важно им е партиските послушници да бидат намирени.
Вака излегуваат на виделина сите лаги на Пецаков и ДПМНЕ дека грижата за децата им е на прво место. Вака ли ДПМНЕ го оправдува залагањето за децата од својата предизборна кампања ?
Факт е, а и на охридската јавност и е добро познато дека не им е прв пат на ДПМНЕ да вработуваат деструктивци и деликвенти во училиштата, лица кои имаат судир со законот.
ДПМНЕ и Пецаков се должни и морално и пред Закон да внимаваат кој ќе им прокламира морални вредности на децата во училиштата! Бидејќи на народот можеби не му е важно како ДПМНЕ ќе си ја организира внатрешната политика и кој ќе им биде на чело на месните комитети, ама особено му е важно кој ќе им ги воспитува децата!
Повикуваме работодавецот на лицето Александар Таламаноски најитно да постапи согласно Закон и подзаконски акти на институцијата,рече на прес Јован Крлев, портпаролот на СДСМ Охрид.
Публицитет.мк
