Дали знаевте дека семките од тиква не се само вкусна закуска, туку и ризница на здравствени придобивки? Дознајте како да го подобрите здравјето на срцето и варењето. Еве лесни начини да ги вклучите во вашата исхрана.
Истражувањата покажуваат дека редовното јадење семки од тиква може да обезбеди широк спектар на нутритивни придобивки, вклучително и поддршка на здравјето на срцето и подобрување на варењето. Овие семиња се богати со есенцијални хранливи материи.
Здравствени придобивки
Според Пем Хартнет, регистриран диететичар и тренер за закрепнување од рак, која се борела со болеста 15 години, семките од тиква се богат извор на здрави соединенија познати како лигнин. „Лигнинот во семките од тиква го намалува воспалението и е моќен антиоксиданс“, вели Хартнет „Ова помага да се намали ризикот од рак, бидејќи овие соединенија помагаат во блокирање на крвните садови кои ги хранат туморите, што го забавува растот на ракот.
Здравје на срцето и поддршка на имунолошкиот систем
Според списанието Eating Well, семките од тиква се идеален избор за промовирање на здравјето на срцето, вели Џеси Холден, регистриран диететичар во Family Cooking. „Семките од тиква се разновидна закуска или одличен додаток на оброците, помагајќи да се промовира здравјето на срцето и да се одржува рамнотежа на нивото на шеќер во крвта“, вели Холден.
Овие семиња се карактеризираат со нивната ниска содржина на заситени масти и високо ниво на растителни протеини погодни за срцето. Понатаму, се смета дека магнезиумот кој се наоѓа во семките од тиква игра важна улога во регулирањето на крвниот притисок, констатира Американското здружение за срце.
Според Џеси Холден, семките од тиква се моќен извор на цинк, кој може да го скрати времетраењето на настинките. Покрај тоа, протеинот и магнезиумот кои се наоѓаат во овие семиња го поддржуваат нивото на енергија и ја зголемуваат силата на имунолошкиот систем.
Ефикасни за несоница
Овие мали семки се ефикасно решение за борба против несоницата, бидејќи мало количество од нив пред спиење може да помогне да се постигне подлабок и подобар сон. Семките од тиква се богати со триптофан, аминокиселина која придонесува за производство на серотонин, познат и како хормон на среќата.
Понатаму, триптофанот го подобрува производството на мелатонин, кој е познат по неговата витална улога во подобрувањето на спиењето и борбата против несоницата.
Според Тереза Романо, функционална нутриционистка за здравјето на жените, цинкот во семките од тиква игра клучна улога во поддршката на машкото репродуктивно здравје, бидејќи ја подобрува подвижноста на спермата, го поддржува здравјето на простатата, па дури и може да придонесе за зголемување на нивото на тестостерон.
Романо додава дека семките од тиква се богат извор на диетални влакна, кои го подобруваат варењето. Влакната помагаат во подобрување на редовните движења на дебелото црево и спречуваат запек.
Семките од тиква содржат магнезиум, кој делува како лаксатив со црпење вода во дигестивниот систем, одржувајќи ја мека столицата. Магнезиумот, исто така, ги релаксира цревните мускули, олеснувајќи го движењето во дигестивниот систем.
Дали семките од тиква се безбедни за секого?
Семките од тиква се генерално безбедни за повеќето луѓе, но тие се богати со влакна, што може да предизвика дигестивни проблеми кај луѓето кои не се навикнати да јадат влакна или кои имаат одредени здравствени состојби.
Може да се појават симптоми како надуеност, гасови, запек или дијареа, особено ако се јадат големи количини одеднаш.
Важно е лицата со алергии на семиња целосно да избегнуваат јадење семки од тиква. Иако семките од тиква се здрав додаток на различни диети, поединци треба да ги земат предвид овие фактори во предвид за да обезбедат безбедно и удобно искуство во исхраната.
Извор: www.dw.com
Публицитет.мк
