Во ALPOJO-Liquor & Spice Store побарајте ја ракијата од јаболко НИКАН која според угостителите на охридско – струшкоот крајбрежје беше хит ова лето.

Неодамна сопственикот на дестилеријата Златко Прентоски во разговор за Публицитет.мк рече дека е горд со малата семејна дестилерија и по производството на првата македонска јаболкова ракија со бандерола.

-Се работи за индивидуално земјоделско стопанство кое е регистрирано преку Агенцијата за храна и ветеринарство и ресорното министерство за земјоделие. Целата приказна доаѓа од самиот факт што нашето семејство над осум децении наназад се занимава со овоштарство. Како наследство од пра –дедо ми  од колено на колено имаме казан за варење ракија стар над еден век и уште функционира беспрекорно. Во него всушност се прави јаболковата ракија, вели Прентоски.