Саво Костадиновски – машински техничар и мaкeдонски и германски поет, раскажувач,патописец,писател за деца и возрасни, прeпејувач.
Многу сум благодарен весникот ПУБЛИЦИТЕТ на објавата за мојот 73 годишен јубилеј. Секој роденден а така и овој е во различен амбиент, имено јас ќе го прославувам денес во Келн заедно со моите блиски пријатели.
Имено, јас оваа пролет имав можност поради сејмени обврски подолг период да престојувам во Англија, но и во Франција каде што ја напишав новата книга поезија „Една пролет во Париз“.
На моите родендени често пати сум напишал, дали некоја песна или некој запис, зависно од испирацијата. Пример, 2016 година роденденот го прославив во Стоунхенџ, каде што ја напишав песната „Во разврски со времето“
Во разврска со времето
(30.05.2016, Стоунхенџ)
Ќе успеам ли
преку овие стихови
капка време од мојот живот да влеам
во океанот на времето на Стоунхенџ
иако
овде по овие магични простори
историјата уште помагично се топи
во бездната на времето
каде што на смртта простор ѝ нема
Но овдека
додека песнава ми е
начин на толкување на времето
со метафори
и јас освоив малку време
секој да може да ме открие
доколку некој во иднина
со намера ќе почне
да чепка по нејзиниот идентитет
како јас по Стоунхенџ
и тогаш веднаш ќе се увери
по моето поетско време
токму на мојот роденден
во бесконечноста на времето.
Саво Костадиновски
