Неодамна во присуство на бројна публика беше промовирано најновото дело на д-р Томислав Тунтев „Охрид – љуѓе и марифети“. Оваа книга задолжително треба да ја има секое семејство од Охрид кое е емотивно поврзано со градот , особено со стариот дел Варош. Од низата приказни д-р Тунтев на наше барање ни отстапи три – една по една ќе ги објавуваме на Публицитет.мк, Прочитајте ја втората . „Охрид – љуѓе и марифети“ може да се купи во книжарницата Просвета во Охрид.
Да се потсетиме на неколку подзабораени охридски марифети од едни дамнешни времина, ко бев дете:
• пола или четврт рецкан леб, ѓеврек, кифла и пинерла, од лебарата на Жито Леб к‘ј Матјана;
• седум ќебапчина во векница со пипер буковска од сендвичарата во Летница;
• базóка мастика од бутката под муренкана;
• две цигарина Филтер Југославија од бутката по чаршија;
• ќибрит од портокалон од Радича под муренкана;
• шампонче од бреза, од Охридска трговија кај Целета;
• тетратка по тесни и широки, од книжарата од Кречо;
• плакатите за филмојте шо се даваја во киноно, на трѝместа – насред чаршија, кај чинарон и кај гимназијана;
• филмој на кино, во кино бафча и во старонóкино;
• на стрижејне кај Раиф берберон насред чаршија, Фадиљ и Шерко калфи к‘ј шо му беа;
• сладолед од јагода и црвена лимонада од к‘ј Горичан;
• тазе измолзено млеко, к‘ј Маре од Дудана, и од Митан;
• киселóмлеко потфатено во тенџере, завијано во веленце;
• леблéби и сувóгрозје од леблебиџилницата Охридско Езеро по чаршија;
• на фудбалска утакмица Грашница;
• на бајами и нáфудбал, Имарет;
• кочеџици од кочеџикон кај Св. Климент;
• скокајне клопче, од мостето на С’р’јшче, и од карпата или од џиздот на Кукуле, к‘ј Канео;
• к’пејне со кајче над Канео, и над од Тито вилана, и скокајне ласта;
• пéтстотки за на партизански филм во киноно – Димче и Спасе кинеја карти нáврата, а Кадри вардеше н‘тре дан џвакаме мастика;
• на магионичарска приредба со Димче Факирче;
• на фашчајне и на лапајне, Горица трета к‘ј јаболчинана, или к‘ј паднатине борци;
• на веслачко на Ј‘но, и на пливачко на пристанишче;
• пеците за нáшкола со Мирко и Славко;
• на паликоси, Св. Врачи и Каменско;
• на Ристóс В‘скрéсе, Геракомија;
• на крстот за Водици, на С’р’јшче;
• на гитаријада, на полигон;
• на бокс турнир, на полигон;
• на ракомет, на полигон;
• на концерт од Здравко Чолиќ и Локици, на полигон;
• на концерт од Парни Ваљак, во киноно;
• в диско Парадизо, во Палас;
• на вакцина, во Маларична, к‘ј Коцаревци;
• на инекција, во болницана на детско, к‘ј докторите Тилев или Мамалигана;
• по дрвениот мост и по мочуришчата, Студенчишча;
• по ракчина нáкоља, со виљушка, стап и батериска ламба;
• нáблинкер со двáконци, со кајче од ранѝзори;
• на санкајне, Галичица, од горните бараки од Феријално, до долните бараки од Дистрибуција, па надолу до п’тот;
• на кафе к‘ј Заро во Десетка, и к‘ј Менсур во Дали;
• навечер сноејне, пред Леа, пред Лидо и пред Чери;
• на журки во Мецофорте;
• на музика Инекс, к‘ј Авто, Пеце и Ораче;
• на плажа Славија и Орце Николов, со кајче или со пони точкој;
• сефте к‘пејне вóјзеро за Први Мај, Сендикáлни;
• на панаѓур за Втори Мај, к‘ј Сендикáлни;
• на маратон, Горица и Метропол;
• излегвејне надвор со фељче леб со ајвар и сирејне, на џишчето пред куќата од Фортомара;
• били на една и на пет шлајки, на С’р’јшче;
• кинипáнтоли и на прва, зад Св. Софија;
• безец, имам си, стоп џепотрес и стоп мамамá;
• бркана, во дворот од училишчето Св. Сава;
• бинек, качѝнож, фудбал, котката-питката, џамија, џиздија, долга магарица и џандари-апаши, во дворон од Св. Софија и на С’р’јшче;
• ѕвонејне на ѕвончината по куќите во Варошон, и бегај да те немат;
• пионерска заклетва, со плави капчина и црвени марами, во фискултурната сала од училишчето Св. Климент;
• резбајне шперплоча со пилица во кабинетот по ОТО под фискултурната сала од училишчето Св. Климент;
• пељте, мазник, кошмишпите, губи, тарана и чај од боз, кај баба ми Весела;
• шеќерпаре, слатко од черешни, колбурек, и пиљав со рибно, к‘ј баба ми Наде;
• афричка смола, од к‘ј Спорт;
• фудбалчината во паркон, к‘ј Ванча;
• басми и штофој, к‘ј Ристо Басмана, по чаршија;
• лижејне мразуљци од кап‘јци по олуцине на С‘р‘јшче;
• руќовѝс, потемници;
• к’пејне алафрáнга, на Ј’но;
• романчина со Загор, Блек, Командант Марк, Текс, и Алан Форд, во бутката к‘ј чинарон;
• боза и индијанки к‘ј Диљавер, во слаткарницата Загреб;
• топол салеп, во слтакарницата Корзо;
• берејне навечер, под борон и џупски рај;
• шетајне накóрзо, угоре удолу, во два реда;
• пушејне цигарина по клозетине во гимназија;
• ко умре Тито, и ко плачевме сóсила, а не ни се плачеше;
• и тој крупниот, црниот, со ретка коса неишчешљана и каференгија одело, шо врвеше секоја недеља сабајле по Варошон со една торба нáрамо, и шо викаше – Пооопрааавааам чадориииии, поправаааам!
Публицитет.мк
