ЕКИПА во Гранада,
Владимир Булатовиќ
Шпанците од старт ниту најмалку не се потрудија да бидат добри домаќини за македонската репрезентација. Тоа го почувствува македонскиот селектор Игор Ангеловски кој за време на официјалната прес-конференција побара извинување од Шпанската федерација за неверојатните срамни услови под кои се одвиваше средбата со медиумите.
За време на прес-конференцијата на кој беа Ангеловски и капитенот Горан Пандев, цело време во салата раздвижено разно-разни Шпанци се однесуваа како на „панаѓур“ не дозволувајќи ниту најмала можност да се слушне мислењето на Македонците…ФФМ реагираше преку портпаролот Златко Андоновски, а Шпанија иако е повеќекратен европски и светски првак, сепак, докажа дека организацијата и не им е силна страна. Со одреден потценувачки однос, можеби се и на дното во една ваква ситуација.
„Јас навистина не знам што се случува. Но, бараме услови за одвивање на прес-конференцијата. Ова е срамно. Се надевам дека Шпанците утре на терен ќе овозможат подобри услови од ова што сега ги имаме на прес-конференцијата“ – рече македонскиот селектор, по што веднаш потоа доби извинување од портпаролот на Шпанската фудбалска федерација.
Откако се смири ситуацијата во прес-салата на „Нуево Лос Керманес“, Ангеловски се осврна и на денешниот натпревар…
„Сите знаеме каков противник не очекува, но ние посакуваме да одиграме добро и без разлика на силата на противникот доаѓаме да се надигруваме до крај. Ова за нас е голем предизвик, но имаме цели кои се надевам дека на крајот и ќе ги оствариме“ – рече Ангеловски, и дополни околу начинот на игра:
„Нема да менуваме ништо формациски во однос на претходните дуели. Но, сигурно ќе има неколку играчки освежувања во првиот тим. Посебно, јасно е дека ќе има ново име на голманската позиција, но и во одбраната и во средниот ред. Верувам дека сите кои ќе добијат шанса се максимално подготвени да не донесат до позитивен резултат, без разлика што играме против голем фаворит, Но, составот ќе им го соопштам на фудбалерите пред самиот натпревар“.
Извор: www.ekipa.mk
