Пред 272 година во Лондон е основана аукциската куќа “Сотби”
На 11 март 1744 година во Лондон, книжарот Самуел Бејкер ја основа аукциската куќа “Сотби” (Sotheby’s), и организира продажба на “неколку стотици ретки и вредни книги” од библиотеката на почитуваниот сер Џон Стенли.
Приказната на “Сотби” тргнува од продажба на книги, но продолжува со најдобриот накит и скапоцените уметнички слики и декоративна уметност. Продадените предмети во суштина претставуваат историја на светскиот пазар на уметноста – приказни, полни со неверојатни факти и настани, кои продолжуваат да го привлекуваат вниманието на целиот свет.
Во 1955 година отворено е одделение во Њујорк. Филијалите потоа се откриени во Париз, Лос-Анџелес, Цирих, Торонто, Мелбурн, Минхен, Единбург, Јоханесбург, Хјустон и Фиренца.
Кон почетокот на 1980-тите години “Сотби” практично банкротира поради започнатата економска криза. Во 1983 година, куќата е продадена на американскиот претприемач А. Алфред Таубман, сопственик на голем синџир продавници во САД.
Во 1998 година Таубман ги заработува акциите на “Сотби” на берзата. Иновација е воведување на услугата BidNow, преку која корисниците можат да ја следат секоја аукција на “Сотби” и да земат учество на тендерот, во реално време на интернет од каде било во светот.
На пример лани есента сликата на Пабло Пикасо “Lа Gommeuse” продадена е за речиси 67,5 милиони долари на аукција на “Сотби” во Њујорк, кога се понудени 122 дела на познати уметници, меѓу кои и на Ван Гог.
Есенската аукција на “Сотби” во Њујорк, почна со продажбата на 77 уметнички дела во сопственост на колекционерот Алфред Таубман.
Аукциската куќа соопшти дека вкупната проценета вредност на неговата колекција е 500 милиони долари.
Актот на Пикасо, насликан во 1901 година, чија вредност пред аукцијата е проценета на над 60 милиони долари, припаѓа на неговиот т.н. син период.
Сликата на Ван Гог “Пејзаж под бурното небо” беше продаден за повеќе од 54 милиони долари, додека рекордниот износ платен за едно негово дело е 82,5 милиони долари.
Делото на импресионистичкиот сликар Клод Моне “Водени лилјани” беше продаден на аукција за 33,8 милиони долари.
Сликата на Ендиј Ворхол „Двоен Елвис“ продадена е за 37 милиони долари на аукција во Њујорк, а делата на Рој Лихтенштајн и на кинескиот дисидент Ај Вејвеј ги соборија сопствените рекорди на аукцијата на дела на современата уметност во „Сотби“.
„Девојката која спие“ на Лихтенштајн, слика на жена со затворени очи и костенлива коса, е продадена за 44.882.500 долари, додека порцеланската слика „Семки на сончоглед“ на Вејвеј, тешка еден тон, е продадена за 782.500 долари.
Минатата недела, аукциската куќа ја продаде „Крик“ на Едвард Мунк за 119,9 милиони долари, правејќи од него најскапо уметничко дело некогаш продадено на аукција.
Портретот „Елвис Присли“ на Ворхол е проценет од 30 до 50 милиони долари и прв е „Двоен Елвис“ што се појави на пазарите од 1995 година.
Рекорд за еден Ворхол е 71,7 милиони долари за сликата „Зелена сообраќајна несреќа – зелен автомобил во пламен I“, што во 2007 година беше продадена во Кристи.
„Девојка“ на Лихтенштајн е една во серијата секси стрип слики што уметникот ја работел во текот на 1960-тите години. Делото е само еднаш изложено во Музејот на современа уметност во Лос Анџелес во 1989-90 година и на продажба ја ставија колекционерите Битрис и Филип Герш.
Претходниот рекорд за Лихтенштајн го држеше сликата продадена во ноември за 43,2 милиони „Можам да ја видам целата соба!… И така нема никој!.
„Семки“ на Вејвеј е една од десетте инсталации на керамички семки аранжирани во различни форми. Семките биле изложени во британскиот музеј Тејт Модерна во 2010 година.
Претходниот рекорд на Вејвеј е 657.000 долари за неговиот „Лустер“,што е продаден во Сотби во 2007 година.
Публицитет.мк
