Автономните возила комплетно ја променуваат сликата на светскиот сообраќај. Претставен е нов систем кој би ги заменил постоечките семафори.
Сведоци сме на голем број иновации со кои се дозволува автомобилите да одговараат сами за себе, односно да го исклучат човечкиот фактор. Развивањето на т.н. Автопилот од страна на Tesla, партнерството помеѓу VW и LG со што се овозможува да се поврзете со вашиот дом или пак да добиете порака за случувањата на патот. Да теслиниот автопилот, како пример, би бил од корист на долги релации, но што е со градските средини?
MIT, заедно со швајцарскиот институт за технологија, како и италијанскиот институт за истражување, велат дека семафорите претставуваат застарен систем кој опстојува 150 години, кој бил идеа за тогашниот превоз – коњите. Па поради тоа потребно е да се изнајде нов систем на контрола. Својата идеа ја претставуваат во видеото… Како што е прикажано на видеото, секој автомобил би се поврзал со т.н. централен контролен систем, кој би му назначил време (time slot) кога да ја помине раскрсницата. Овој систем би го зголемил протокот на автомобили, со што би се заштедило на време, како и емитување на штетни гасови. Но дали би бил побезбеден од досегашното останува да видиме…
Извор: www.rpm.mk
