Дамјана Видическа: „Душа“

-Твори не е важно на кој јазик твориш и се изразуваш, важна е  содржината, јасната мисла и потребата да се испразни енергијата и да се остави трага во времето, вели Дамјана Видическа во пораката која ни ја испрати заедно со овие стихови. 

Оригиналот е на англиски,а преводот се разбира го направи самата млада поетеса.

Нека биде поттик и за Вас сите млади кои се занимавате со пишување и други креативни уметности да ни напишете по нешто и да го запознаете светот со Вашите преокупации. 

Дамјана Видическа: „Душа“

Го оставив своето срце отворено

зашто мислев дека ти би ми ја излечил секоја рана.

Се обидував  да ги оттргнам очиве од твојата смирувачка душа, но не успеав повторно.

Го следев секој твој чекор барајќи дом што би го нарекла мој, но се сопнав на замка скриена во твоите раце.

Ти рече “бори се за мојата љубов ко да е птица во кафез. Пронајди начин за да и’ ги рашириш крилјата во слобода и ќе ја освоиш мојата душа.”

Твојата душа беше силна и самоволна, што не можев да се справам. Пробав да ја преминам секоја граница за да ја освојам нејзината слава.

‘Бори се’ велеа тие и дозволи му на срцето да го почувствува ветрот над морето, Но сепак не почувствував ништо освен лад и страшно невреме.

Дали да продолжам да се борам и да си дозволам себеси да исчезнам се’ додека не остане само мојата прав, или да им дозволам на моите демони да постојат и да бидам ко ноќта: темна,мирна и полна со тајни?

Ох, ти остави ме.

Дури заборавив и како се римува, ги љубев твоите опојни усни ко да беше злостор.

Повеќе нема да се обидувам да барам ни да се обидувам да простам.

Меланхолијата е она што го земаме и љубовта е единственото нешто што го даваме.

Soul