Здружението „Опција“ од Охрид во 2005 година активно почна да работи на реализација на проектот ,,Одржување ниска ХИВ преваленца во РМ“ финансиран од „Глобал Фонд-Женева“ а под супервизија на Министерство за здравство на РМ. Годинава „Опција “ прославува 10 години од успешно спроведени активности, а со тоа и од постоењето.
Она што го работиме и постигнуваме не е за потценување. Јавноста одамна е на наша страна, но гласноста се трудиме да ни е поголема, во интерес на општеството.
Само во евиденција на ЗГ „Опција“ од Охрид, евидентирани се вкупно 400 корисници на дрога кои ја инјектираат, како и 210 сексуални работници од Охрид и Струга, но и од други градови во Македонија.
По повод нашиот јубилеј, би сакале јавноста уште еднаш да дознае за дел од активностите кои ги спроведува тимот на „Опција“:
-Промоција и унапредување на правата на корисниците на дрога и сексуалните работници и нивните семејства со цел подобрување на нивниот здравствен, социјален и економски статус преку:
-овозможување бесплатни сервиси,
-зајакнување на заедницата,
– подигање на капацитетите на професионалците кои работет со оваа маргинализирана група,
-дистрибуција на бесплатни кондоми и лубриканти;
– дистрибуција на стерилна опрема за инјектирање на клиенти кои употребуваат дрога
– дистрибуција на печатени материјали со едукативна содржина
– давање совети и информации за безбеден секс и безбедно однесување (превенција од ХИВ/СИДА, Хепатит Б и Ц, СПИ, контрацепција, правилна употреба на кондом и сл, штетни последици од употреба на дрога);
– работиме на ширење на мрежата на контакти на локално и национално ниво;
– на групи за само-помош на терен
– 1 во месецот организираме бесплатно теренско тестирaње
HIV/SIDA и Hepatitis C
– 1 месечно организираме бесплатна теренска гинеколошка амбуланта
– редовно спроведуваме теренски акции за собирање на искористена опрема за инјектирање
– ги препраќаме корисниците на дрога и им помагаме во процедурата при добивање Pegazus третман
– Одржуваме редовни едукативни предавања со корисниците на дрога, но по потреба и со СВР Охрид, Малолетнички затвор во Охрид и во ЈУ Затвор „Тефериџ“ Струга, Пожарна Охрид и Струга и со ред други кои ќе покажат интерес за ова.
– ЗГ „Опција“ Охрид, успешно се вмрежува и соработува со поголем број на владини и невладини институции: Црвен крст, СВР- Охрид, Локална самоуправа – Охрид, Центар за јавно здравје, Пожарна Охрид и Струга, Центар за социјални работи Охрид, Малолетнички затвор – Охрид и Затвор „Тефериџ“ Струга, Центар за ресоцијализација и Метадонски центар Охрид, ХОПС-Скопје, ROCHE-Скопје и други.
Патот ни малку не беше послан со рози, напротив нашите стручни лица го освојуваа теренот чекор по чектор. Секој успех надвор од нашата канцеларија ни носеше и ни носи радост и задоволство дека сме успеале некому да помогнеме ,а често и да го вратиме од лошиот пат.
ЗГ „Опција“ Охрид моментално партиципира во Советодавна група на граѓани-СВР – Охрид и Локален совет на млади при Општина Охрид.
Целта ни е, како тим да го сензивитизираме населението дека дрогата (и сите последици кои ги носи таа) е проблем на целото општество а не само на зависниците, да ја подигнеме свеста на населението и на сите релеватни владини/невладини институции за посериозно вмрежување и соработка со цел поквалитетна помош на лицата кои имаат потреба од нас, и како тим да продолжиме со спроведување на активностите на програмите за намалување на штети од употреба на дрога и програми за поддршка на сексуални работници и по 2016 год. Тоа беше основата цел и повод за состанокот кој се одржа на 8 октомври во Општина Охрид со донесувачите на одлуки на локално ниво, каде што дискутираваме за поддршка и финансика помош од страна на локалната самоуправа; Министерство за труд и социјална политика; Минстерство за здравство на РМ после 2016 год односно по заминувањето на единствениот донатор на овие програми „Глобал Фонд-Женева“. Потенциравме дека е важно да продолжиме со опстојување и после 2016 година не само поради доброто на клиентите со кои работиме, туку поради доброто и на општата популација во Охрид и Струга. Се надеваме дека Министерствата и локалната самоуправа ќе имаат слух за продолжување на овие хумани политики и дека нема и нас да ни се случи она што се случи во Романија и Грција – после затворањето на овие програми стапката на лица заболени од ХИВ во една година да порасне енормно На пример во Романија за период од 2011-2012 година заболеа 362 лица од ХИВ вирусот).
Аргументите да продолжиме и опстоиме како здружение се на наша страна.
Јулијана Настоска, социјален работник во ЗГ „Опција“ – Охрид
