Научниците од Националната фондација за наука во Вашингтон го потврдија откривањето на Ајнштајновите гравитациски бранови. Ова епохално откритие, веројатно најголемо во физиката по цел еден век, може да биде клучот за новото човеково разбирање на универзумот.
Откритието е направено со користење на Опсерваторијата за напредни ласерски интерферометарски гравитациски бранови (ЛИГО) – систем од два детектори конструирани да ги детектираат малите вибрации од гравитациските бранови. Финансирани од Националната фондација за наука, идентичните детектори на ЛИГО се наоѓаат во Ливингстон, Луизијана, и Ханфорд, Вашингтон.
„Ајде да го кажеме ова: првото откритие на гравитациските бранови е потфат за Нобеловата награда“, рече физичарот Брус Ален од Макс Планк институтот за гравитациска физика во Хановер, Германија.
Извор: mkd.mk
