Фолк пејачот Душко Геoргиевски, со песната „Свири ми виолино“ на авторот Горјан Стојановски, победи на „Фолк фест Валандово 2015“, и освои парична награда, вредна 10.000 евра Горан Кукиќ ја однесе втората фестивалска награда и 7.500 евра со песната „Дојране“ која ако автори се Миле Барбаровски, Оља Ангелевска–текст и Живоин Глишиќ – аранжман. Кукиќ, исто така, освои и награда за интерпретација.Третото место и наградата од 5.000 евра, и награда за најдобар дебитант освои Сања Петковска –Сани, со интерпретацијата на песната „Нема со кого рани на залечам“, на музика и аранжман од Владимир Дојчиновски, а текст на Григор Копров
Награда за сценски настап и припадна на Ирена Спасовска за настапот со песната „Мерак, мерак“ во придружба на „Скопски боеми“, наградата за аранжман ја доби Илчо Јованов за аранжманот на песната „Колку трае љубовта“, која ја изведе Јовица Мицевски. Наградите за интерпретација, дебитант, сценски настап и за аранжман изнесуваат по 1000 евра, во денарска противвредност.
Фондот за фестивалските награди го обезбедува Министерството за култура на Република Македонија. Оваа година 31 Валандовски фестивал, се одржа 24, 25 и 26 септември и на него вкупно беа изведени 32 песни.
Наградените беа определени со вкупен збир од телевоутинг, гласови во салата, и стручно жири (Зоран Џорлев, Горан Алачки, Тоде Спасовски, Александар Димитриевски и Страшо Темков).
Реновираната сала во Валандово, од годинава го носи името на легендата Јанко Узунов.
Публицитет.мк