На нашето честит Ви роденден, Антонио ни возврати со благодарам и додаде:
– Овој, втор роденден одлучивме да го прославиме онака поработно при што се собравме тројцата, зедовме едно добро винце, гитарче и…време е за проба . Направивме прекрасна проба.
Кога го прашавме за плановите по Фејзбук ни одгвори: – Наскоро се надеваме на промоција на уште една нова песна заедно со спот. Се надеваме дека оваа година и ќе ја затвориме со нашиот прв самостоен авторски албум.
Најбитното за нас како бенд ни е слушателите на нашата музика да бидат позитивни и насмеани , како што сме и ние тројца, самите.
За оние кои не знаат еве еден мал историјат за бендот:
„Само Тони и две жени“ е бенд составен од охриѓанецот Антонио Ристески (Само Тони) кој претставува човек бенд со неговата способност да свири повеќе инструменти истовремено и два прекрасни женски вокала Марија Докузова и Христина Стојанова, и двете од Штип.
Зад овие две години успешно функционирање бендот снима повеќе преработки на добро познати македонски хитови како што се „Маре Маријана“ -Студени нозе, „Еј би си“ – Нокаут и др. Веќе последната година се фукусирани на снимање и издавање на нивна авторска музика.
За првенче ја поставија првата нивна авторска песна „Глава ме стега“. Освен музиката која ја интерпретираат како бенд, задолжени се и за доброто расположение на оние кои се присутни на нивните настапи.
Антонио сам има остварено и други неколку музички проекти меѓу кој се издвојува и заедничката соработка со добро познатите „Дубиоза Колектив“ од Босна, со кои ја објавија заедничката изведба на песната „Кажу“
А „Публицитет. мк еве ексклузивно за роденден го чести Антонио Ристески со снимка стара над 15 години, снимена 1999 во Охрид – Антонио таа година пееше на фестивалот на детска песна „Распеано рибарче“ . Тоа е „Рибарска шегобијна“ . Текст: Милчо Јованоски, а музика и аранжман Илија Булоски.
Од тогаш се знаеше дека ќе го биде – музичар , пеач и забавувач.
Публицитет.мк
