Холанѓаните со децении се веројатно најбројните странски туристи кои го посетуваат Охрид. Доаѓаат не само поради езерото, туку привлечна сила има и романот „Свадбата на седумте цигани“, во кој холандскиот автор А. ден Долард толку шармантно го опишува животот во македонските села, што холандските читатели сакаат да ги видат со свои очи.
Карин Брукен е Холанѓанка која доаѓа во Охрид двапати годишно од 2011 година, кога нејзините родители за првпат го организираат патувањето во Охрид поради една книга:
„Прва работа која ми ја кажа татко ми беше: ‘Дали ги прочита сите книги на А. ден Долард?’. Затоа што Охрид е едно со А. ден Долард. Кога ќе кажете А. ден Долард во Холандија, тоа е Македонија, а ако кажеш Македонија во Холандија, луѓето ќе ви кажат А. ден Долард“, раскажува Карин.
А. ден Долард е холандски писател, кој патувал на Балканот и се вљубил во Охрид и Македонија.
Инспириран од волшебните места во градот во 1939 година го напишал романот „Свадба во Охрид“ („Свадба за седумте цигани“). Тоа е љубовна приказна за Бранка и Душко лоцирана во Охрид.
„Моите родители ги читале тие книги во гимназија, и зборуваа за А. ден Долард. Токму затоа јас доаѓам во Македонија“, објаснува Карин.
А. ден Долард во книгата ја портретира културата, традицијата, гостопримството и начинот на живот во планинските села околу Охридското Езеро. Неговата книга во последните 30 години привлече многу туристи, дојдени да го откријат Охрид и местата опишани во романот.
Точка за средби на сите Холанѓани е „Музејот на А. ден Долард“, со целосната колекција на негови книги.
Извор: www.dw.com
Публицитет.мк
