Кога станува збор за доверлив автомобил, европјаните најмногу му веруваат на јапонскиот бренд Honda.
Според последните податоци добиени од истражувањата на OCU (Организација на потрошувачи и корисници), Honda ја доби титулата како најдоверлив бренд во Европа. Ова истражување било спроведено врз 30,000 европски возачи кои оценувале вкупно 178 различни модели на автомобили.
Поточно 93% од испитаниците се изјасниле за Honda како најдоверлив бренд, а 79% го препорачуваат овој бренд како избор во купување на нов автомобил.
Во категоријата за најдоверлив модел, Honda повторно доминираше со нивниот мал модел – Jazz, но покрај него во топ 10 најдоверливи модели се најдоа и останати модели од Honda како Civic, CR-V и Insight.
Ова истражување е направено поради тоа што секој кој што има можност да си купи нов автомобил, при неговиот избор внимава на објавените податоци за висината на цената, потрошувачката, функционалноста, комфорот, доверливоста која ја нуди самиот автомобил, но и проблемите со кои најчесто се соочуваат овие автомобилите, а со овие информации би требало да им се олесни изборот на купувачите.
Извор: www.rpm.mk
