До крајот на оваа година остануваат уште три месеци од оваа втора пандемиска година која битно влијаеше врз сите сегменти во животот на луѓето.Меѓу најпогодените беше и сеуште е филмската индустрија заради повеќемесечното затворање на кино салите како и намалениот капацитет на посетители за една третина, потребата од потврди за вакцинација , употребата на заштитни средства …
Најдобар пример за штетата што ја претрпе филмската индустрија можеби е последниот филм од серијалот за Џејмс Бонд „Не е време за умирање“чија премиера беше одлагана три пати во период од 18 месеци. Конечно премиерата на филмот беше одржана на 28. септември во Лондон во присуство на актерската екипа и голем број на познати личности меѓу кои и членовите на Кралското семејство ,традиционално , од причина што Џејмс Бонд , нели ,работи во служба на нејзиното Височество. Филмот веднаш по премиерата започна да се прикажува во кино салите во Велика Британија а веќе од следната недела и во целиот свет.
Освен овој филм во првите две недели од октомври во кино салите ќе се појават и други филмови за кои ќе гпвориме овојпат.
ВЕНОМ 2
Филмот преставува продолжение на филмот „Веном“ од 2018 година во режија на Енди Серкис во кој настапуваат: Том Харди кој го игра ликот на Еди Брок односно Веном а тука се уште и Мишел Вилијамс, Наоми Харис, Рид Скот, Стивен Греам и Вуди Харелсон.Како што е познато „Веном“ е лик од стриповите на Марвел . Во продолжението новинарот Еди Брук се обидува да ја обнови својата кариера во новинарството и за таа цел тој прави интервју со со серискиот убиец Клетус Касади кој станува домаќин на вонземјанскиот потомок на Веном , наречен Масакр.
Филмот својата премиера требаше да ја има во октомври 2020 година но заради пандемијата тој започна од вчера да се прикажува во кино салите во САД и во остатокот од светот.
СЕМЕЈСТВОТО АДАМС 2
Омиленото плашливо семејство се враќа во анимираното продолжение „Семејството Адамс 2“. Во овој нов филм, Мортиција и Гомез ги гледаме вознемирени дека нивните деца растат, ги прескокнуваат семејните вечери и целосно го трошат бесцелно времето. За да си ја вратат врската, тие одлучуваат да одат заедно на семеен одмор. Нивната авантура низ Америка ги вади од елементот учествувајќи во смешни трки со нивниот иконски братучед, Ит, но и со голем броја на нови ликови.
Гласовите на главните јунаци, како и во првиот филм , им ги позајмуваат актрите Оскар Ајзак,ЧарлизТерон, Ник Крол, Снупи Дог, Бет Мидлер, Бил Хадер и други.
Режисери на оваа компјутерска анимирана комедија се повторно Грег Тиернан и Конрад Вернон.
МНОГУТЕ СВЕТЦИ НА ЊУЈОРК
Дејствието на оваа криминална драма е сместено во 60 тите и 70 тите години од изминатиот век во Њујорк, Њу Џерси, користејќи ги немирите во градот како позадина за тензиите помеѓу италијанско –американската и афро- мериканската заедница. Филмот ги следи тинејџерските години на Тони Сопрано среде војната помеѓу бандите во која се вмешани неговиот вујко и неговото семејство.
Главните улоги во филмот ги толкуваат : Алесандро Нивола,Лесли Одом Јр.Џон Бернтал, Кори Стол, Реј Љота, Микела Дороси, Џон Магаро и Мајкл Гандолфини, роден син на актерот Џејмс Гандолфини кој почина пред неколку години а кој се прослави со улогата во тв серија „Сопранови“. Интересно е да се спомене дека младиот Гандолфини го игра ликот на Сопрано во неговите млади години.
Режисер на филмот е Алан Тејлор.
СТАРИОТ ХЕНРИ
Филмот преставува акционен вестерн кој говори за еден фармер и неговиот син во чиј дом ќе дојде еден ранет мистериозен странец кој со себе носи една торба полна со пари.
Кога на прагот од нивниот дом ќе се појават тројца мажи кои тврдат дека се преставници на законот, фармерот мора да одлучи кому да му верува.Бранејќи ја опсадата на неговиот дом од несаканите натрапници, тој ќе се покаже како вешт пиштолџија што ќе ги изненади сите па заради тоа тие ќе се посомневаат во неговиот вистински идентитет.
Режисер на филмот е Потси Понкироли а главните улоги ги толкуваат: Тим Блејк Нелзон, Скот Хозе, Гевин Луис, Грејс Адкинс, Стивен Дорф , Бред Картер и други.
НЕ Е ВРЕМЕ ЗА УМИРАЊЕ
Конечно, по многу одлагања во вторникот во Лондон во Ројал Алберт Хол беше одржана светската премиера на 25 по ред филм од еден од најдоговечните филмски серијали за тајниот агент на нејзиното височество – Џејм Бонд.Веќе од четвртокот тој започна да се прикажува во кино салите во Велика Британија а од 8. октомври ќе се најде на репертоарот на кино салите во САД. Еден ден порано филмот ќе биде на кино репертоарот и во кино салите во нашата земја.
Главната улога во филмот по петти (а според најавите и за последен )пат ја толкува актерот Даниел Крег. Во филмот покрај него настапуваат уште и Ана Де Армас, Лашана Линч, Леа Сејду, Рами Малек, Ралф Фајнс, Кристоф Валц, Џефри Рајт, Рори Кинеар, Били Магнусен, Бен Вишоу, Наоми Харис и други. Режијата ја потпишува Кари Фукунага кој го замени Дени Бојл кој заради креативни разлики со продуцентите го напуштил проектот.
Филмот започнал со реализација во април 2019 година под работен наслов „Бонд 25“. Неговата реализација завршила во октомври истата година.Буџетот на филмот бил помеѓу 250 и 300 милиони долари.
Дека на Бонд не му треба многу за да го спаси светот, најдобар доказ за тоа е приказната на неговиот најнов филм.Бонд ја напушта активната служба и ужива мирен живот на Јамајка.Но , неговиот мир трае кратко кога неговиот стар пријател Феликс Лајтер од ЦИА ќе се појави и бара негова помош.Нормално, Бонд се вклучува во мисијата за спасување на киднапираниот научник но ќе се испостави дека работата воопшто не е наивна и дека зад сето тоа стои еден мистериозен негативец кој располага со опасна нова технологија која е закана за мирот во светот.
Филмот трае цели 2 часа и 43 минути со што стана најдолгиот филм за авантурите на тајниот агент. Тој е подолг за цели 13 минути од досегашниот рекордер „Спектра“од 2015 година.
ЈАГНЕ
Марија и Ингвар се млада двојка без деца. Еден ден на нивната фарма во Исланд откриваат мистериозно новороденче. Неочекуваната перспектива за среќен семеен живот им носи многу радост, пред конечно да ги уништи.
Во оваа хорор драма главните улоги ги толкуваат Наоми Рапач, Хилмир Снор Гунасон и Бјорн Хлинур Харалдсон. Овој копродукциски филм помеѓу Исланд, Шведска и Полска е во режија на дебитантот Валдимар Јохансон . Филмот беше прикажан на годинешниот кански филмски фестивал каде освои награда за оригиналност а беше прикажан уште на неколку други филмски фестивали.
СПАСУВАЊЕ
Во јуни и јули 2018 година , младинскиот фудбалски тим „Диви свињи“беше спасен од пештерата Там Луанг Нон во провинцијата Чианг Раи , во северниот дел на Тајланд. Дванаесет членови на тимот, на возраст од единаесет до шеснаесет години и нивниот 25 –годишен помошник тренер влегле во пештерата на 23 јуни по еден од фудбалските тренинзи.Непосредно потоа , обилните врнежи од дожд делумно го преплавиле пештерскиот систем со што го блокирал нивниот излез од пештерата.
Документарниот фил говори за натчовечките напори на спасувачките екипи за да ги спасат заробените деца и нивниот помошник тренер. Филмот е во режија на брачната двојка Елизабет Чаи Васархели и Џими Чин. Филмот беше прикажан на годинешниот филмски фестивал во Торонто каде ја освои наградата на публиката во категоријата за документарни филмови.
ЈУЖНО ОД РАЈОТ
Осудениот злосторник Џими добива предвремен условен отпус откако одлежал 12 години за вооружен грабеж.По ослободувањето тој и’ се заколнува на Ени, неговата љубов од детството, која сега умира од рак, дека ќе и ја подари најубавата последна година од нејзиниот живот. Но, за жал тоа не е остварливо така едноставно..
Режисер на оваа акциона криминална драма е Ахарон Кешалес а улогите ги толкуваат:Џејсон Судекис, Евангелина Лили, Шиа Вингхам, Мајк Колтер, Мајкл Паре , Тина Паркер и други.
МАСА
Последиците од насилната трагедија која влијае врз животот на две брачни двојки на разлини начини , е темата на оваа драма која како режисер ја потпишува Франц Кранц. Главните илоги во филмот ги толккуваат :Џејсон Ајзак, Марта Плимтон, Рид Бирни и Ен Дауд.
ПРЕЖИВЕЈТЕ ЈА ИГРАТА
Некогаш мошне популарниот актер Брус Вилис во последните десетина и повеќе години никако да одигра некоја забележителна улога со коа ќе остане запаметен кај публиката.
И неговиот најнов филм , трилерот „Преживејте ја играта“ , мошне брзо ќе биде заборавен.
Животот на еден човек на неговата фарма е прекинат кога ќе се појават полицаец и неколку опасни криминалци.
Во филмот кој го режира Џејмс Кален Бресан , настапуваат уште и Чад Мајкл Мареј, Сара Ромер, ДонаД’Ерико, Зен Вард, Кејт Кацман…
Пишува: Ѓоко Симјаноски, Публицитет.мк
