Во рубриката „Фото на неделата“ овој пат ви го претставуваме Милчо Георгиески, историчар на уметност во Завод и Музеј и пасиониран фотограф од Охрид.
Неговата фотографија има своја предисторија, кој тој како автор накусо ни ја прераскажа:
-Ова е една моја постара фотографија од 2004 година. Снимена е во Замошч, Полска (бев на некој семинар за културен туризам, организиран од УНЕСКО).
Ме импресионираше глетката и целокупната атмосфера на залезот во месец септември, односно силуетата на ова мало гратче што е дел од светското културно наследство како и нашиот Охрид.
Тоа што го видов, доживеав и почувствував тогаш, сакам да го споделам со сите што ве следат на интернет, ни рече Георгиески.
Нашата редакција упатува покана за отворена соработка со сите кои сакаат да понудат за објавување своја уметничка фотографија на нашиот портал. Електронската адреса ја има во нашиот Импресум.
Ви благодариме!
Публицитет.мк
