Дваесет и второто издание на фестивалот ќе се одржи од 23 до 26 август.
-Долни Сарај е најубавиот простор на Балканот и заслужуваше да има одлична сцена. Сега е веќе друга ситуација и сум многу задоволен . „Охрид фест“ го враќаме таму. Концепциски остануваме исти. Детскиот „Чунга лунга“ Фолк и Поп вечерта и секако најатрактивната Интернационална фестивалска вечер, вели за Публицитет.мк познатиот композитор Григор Копров.
Копров во друштво на аранжерот Владимир Дојчиновски
Речиси деведесет проценти од учесниците го потврдиле учеството на „Охрид фест“ композициите се снимаат и Копров очекува уште еден успешно фестивалско издание. Списокот е долг ама од оние, потврдените во Охрид ќе пеат: Ѓоко Танески, Влатко Илиевски, Јоце Панов, Давид Темелков, најверојатно и Боби Мојсоски доколку успее да ги усклади обврските. Доаѓаат Елена Петреска, Маја Вукичевиќ, Верче Пандиловска … На Фолк вечерта ќе дојде елитата на македонската народна песна,ќе има 10 врвни имиња, барем такви се најавите. На Интернационалната вечер покрај гости од Балканов ќе има изведувачи од Шпанија и како шлаг на вечерта уште некое име кое Копров го чува како скриен адут. Фестивалот и годинава покрај МТВ ќе го пренесуваат и ред балкански канали, како и националната телевизија Московска шансона од Русија и турската ТРТ . На почетокот на секоја фестивалска вечер, ќе биде емитуван спот за убавините на Охрид, и Македонија.
Публицитет.мк
