Етно составот „Езерки и 7/8“ од Загреб, Хрватска на 16 септември во сабота во рамките на мини македонската турнеја ќе одржи концерт во Центарот за култура „Григор Прличев“ во Охрид.
Ден пред тоа ќе настапат во Тетово а на 18 септември во театарот „Комедија“ во Скопје.
Со Лена Џапиќ, разговара Милчо Јованоски:
„Езерки “ постојат од 1995 година и ја негуваат македонската народна песна на свој специфичен и како што велат малку помодерен начин. Пред концертот публиката ќе може да го види филмот „Луди за Македонија“ посветен на составот, македонската дијаспора во Хрватска и нејзините врски со Македонија. Голем дел од документарецот е снимен во Охрид.
Деновиве на минување се сретнавме со основачот на етно составот „Езерки и 7/8“ Лена Џапиќ, која по потекло е од Гевгелија а од далечната 1984 година живее во околината на Загреб. Таа ни ги пренесе искуствата сврзани со „Езерки“ петте објавени албуми соработката со неколку познати естрадни имиња меѓу кои и Тоше Проески,турнеите и љубовта на оние кои не се Македонци а безмерно ја сакаат македонската песна, нејзиниот ангажман како член на Македонско – хрватското друштво за соработка.
Публицитет.мк
