Новата осма сезона од веќе култниот аудио серијал „Мојот живот, мојот свет“ авторот и водител Милчо Јованоски ја отвора со интервју со актуелната директорка на фестивалот „Охридско лето“ Наташа Поповиќ.
Зад неа, како директор се веќе три успешни изданија на овој меѓународно престижен фестивал од кои последниве две се одржаа во услови на светска пандемија од Ковид -19.
Наташа Поповиќ е професор по пијано и пред да дојде на функцијата директор на „Охридско лето“ од 1998 година работеше во Средното музичко училиште „Илија Николовски – Луј“ во Скопје.
Родена е во Битола, растела во Охрид, учела во Скопје и Америка Таа студирала на престижниот „ Валпарезо јуниверзити “ во Чикаго на отсекот за пијано. Таму дипломирала и се стекнала со звање Пијанист.
Нејзината љубов – пијаното
Во нејзината биографија стои запишано дека во 1991 година била во десетте најдобри студенти во Америка и ја добила „ Претседателската награда за вонсериски достигнувања “ која и’ била врачена од тогашниот Претседател на САД Џорџ Буш Постариот.
Со клик на линкот слушнете го интервјуто во целост.
Во интервјуто вели дека би се опишала како многу едноставна личност, како човек што ги сака луѓето, ја сака искреноста, сака многу да помага без да бара да и’ вратат со иста мера. Иако знае дека е невозможно, сепак сака сите луѓе да се живи, здрави и како што вели насмеани. – Едноставен човек- уметник со добра душа и добра мисла за сите луѓе во светот, таква сум вели Наташа.
Со многу емоции Наташа Поповска – Поповиќ зборува за најраното детство поминато во Влашка Маала на улицата „Васил Главинов“ спроти некогашен „Отекс“ за играњето на улица, дури и пишувањето домашно на коленици со другарите. За летата минати во Битола и Охрид за зборувањето на двата дијалекти и сега за литературниот во кој ќе и избега и некој збор усвоен од скопското опкружување.
На самитот на Европската асоцијација на фестивали во Лисабон
Посебно со многу љубов се присети на ученичките денови во ОУ „Христо Узунов“, на учителката Лена Дојчиноска за која и денес зборува со голема почит, како и за сите останати наставници, но и на анегдотите со нејзината другарка од градинка – со исто име и презиме, тогаш и сега неразделни, Наташа Поповска – Карче.
Родителите на Наташа – Радмила и Димитар
Со посебна љубов и солзи на очите зборува за покојниот татко Димитар( стоматолог ) , кој вели дека и’ бил најголемата поддршка и за нејзината мајка Радмила – професор по флејта во ОМУ „Методи Патче“ која уште од мала ја носела во училиштето и на редица концерти на „Охридско лето’ па така, Наташа смета дека има „минат стаж“ во фестивалот и пред да дојде на негово чело.
Од дипломирањето во САД
Со посебна љубов Наташа ни ја опиша нејзината приврзаност кон бабата Васка која и била идол во секој поглед. -Васка Поповска, учителката како што мнозина ја паметат од постарите во Охрид. Од неа научив дека човек треба да е борец, вели Наташа и дека ништо буквално не доаѓа без труд.
Ни кажа зошто учела клавир кај покојниот Димитар Ораче а не флејта, кај мајка и’, но и за тоа додека другите мислеле каде по осмо таа уште пред две години знале дека патот ќе ја води во Скопје во средно музичко и тоа во класата на познатата Снежана Анастасова – Чадиковска, со која пак патиштата им се вкрстија во Скопје кога Наташа и станала колешка а сега и преку „Охридско лето“. – Многу научив од мојата професорка Чадиковска и тоа не само во поглед на пијаното , туку добив и многу совети за кои и денес и се обраќам, додава Наташа.
Со градоначалникот на Охрид Константин Георгиески – 2020 г. на чинот на врачувањето на Наградата „Св. Климент Охридски – Патронот на Охрид “ за фестивалот „Охридско лето“
-Во Скопје не бев сама пред мене како кошаркар веќе беше мојот брат Златко, раскажува Наташа. Патот подоцна ја однесол во Америка. Таму завршила класична гимназија и паралелно земала приватни часови по пијано и се запишала на колеџ и со успех го завршила.
Од пречекот на Папата во Скопје
Во интервјуто зборува за снаоѓањето таму за тамошниот начин на живот и признава дека како и во песната што во далечната 1994 година ја отпеа на фестивалот „Интерфест“ во Битола, Америка уште е нејзин сон.
Со Хулио Иглезијас по еден негов концерт во САД
– Композиторот Кире Костов е колега од факултет со мајка ми и ме знаеше од малечка . Еден ден ми се јави дури во Америка и ме наговори да пеам на фестивалот. Јас тоа го сметав како мал излет- авантура ама ете имав чест да бидам на иста сцена со многу познати македонски изведуваќи а имаше од странство.
Барбара Поповиќ – студира соло пеење Патриција сака да биде актерка
Сега таа нејзина авантура многу посериозно ја продолжи нејзината ќерка Барбара, таа пеее и по фестивали а студира соло пеење. И помалата ќерка Патриција е во музичките води таа е учи виолина а Наташа ни откри дека сака да стане актерка.
Со ќерките Барбара и Патриција
-Семејството ми е пред се’ вели Наташа и додава дека сопругот е нејзин најголем критичар и истовремно поддржувач.
Посебно поглавје во интервјуто Наташа им посветува на нејзините Нина и Роберт Момировски, за кои вели дека и се дел од семејството.
Годинава на затворањето на „Охридско лето“
-И од Америка кога доаѓав прво Нина ја барав. Така и сега и од Скопје кога ќе стигнам прво се слушам со неа,( да бевме ТВ ќе ги забележевте солзите во нејзините очи ) вели Наташа.
Зборувавме за храната, за кафеаните , за омилените песни и композиции, дел од нив се вметнати во аудиото. И да не ви откриваме се’. Слушнете!
Публицитет.мк
