Да не објаснувам многу дека Дубровник е прекрасен град со богата историја и т.н. Целта на овој напис е сосема друга. Сакам да направам една споредба со Охрид.
При самото влегување во стариот град на “Страдун” во втората куќа од десна страна се наоѓа продавница за сладолед во сопственост на гостиварчанецот Цане. Овде ке добиете највкусен и најголем сладолед кој воопшто сте го пробале. Треба само да порачате на македонски јазик. Ако сте мала група се случува сладоледот да го добиете бесплатно. Во секој случај ќе платите многу помалку од редовната цена.
Дубровник како главен туристички центар во Хрватска е најскап град во Далмација. На пример: кафето се движи од 2 – 5 евра, сендвич од 6 евра па нагоре, кока кола од 3 – 5 евра, храната зависно од ресторанот.
Меѓутоа она што ме фасцинира во самиот град е тоа што за жителите на Дубровник цените се со попуст од 30%
Со колешката (локален водич) кога седнавме во еден ресторан да се освежиме ми вели: -Кога ќе порачувам ти молчи да не те сетат дека си странец. Кога ја донесоа фискалната сметка на истата писуваше – за граѓаните на Дубровник попуст 30%.
На толкава бројка туристи кои влегуваат секојдневно во градот некој се сетил и на граѓаните кои се тука присутни преку цела година.
Можно ли е ова и во нашиот Охрид?! Нам на охриѓани животот во сопствениот – роден град ни е најскап. Ние цела година како да сме на одмор.
Ќе се сети ли некој да стори нешто слично, овде во градот кај преубавото Езеро или како што милуваме да кажеме нашето слатко Море.
П. С:
И во Дубровник се’ уште можите да ги храните гулабите без да платите казна (истата во Венеција од пред една година изнесува 300 евра).
Поздрав,
Сашо Апостолоски, лиценциран туристички водич – ТА „Венус травел“ – Охрид
