Од денеска на социјалната мрежа Фејсбук функционира јавната група „Охрид кој веќе го нема“.
Идеен творец на групата и неговото заштитно лого е историчарот на уметност Милчо Георгиевски, кој истовремено е и голем поборник за зачувување на автентичниот изглед на Охрид, особено на неговото старо градско јадро и кражбрежието. Георгиевски покренувајќи ја групата напишал:
-Групава има една и единствена цел, да ги привлече на едно место сите вистински, искрени вљубеници во Охрид, градот чии традиционални и надалеку познати архитектонски и други културни вредности од ден на ден неповратно исчезнуваат и се заменуваат со некакви новокомпонирани грдотии, а кичот се промовира во некаква нова естетика која се стреми да го обезличи нашиот, но и универзалниот Охрид.
Сакаме овде, сите заедно да споделуваме фотографии, спомени и размисли за настани, објекти и личности заради кои Охрид бил Охрид, а кои, за жал веќе ги нема.
Без разлика дали сте родени и живеете во Охрид, дали тука сте се доселиле од друго место, дали сте се отселиле од него и живеете некаде далеку, или воопшто не сте од Охрид и не живеете во него, а го сакате како што само Охрид може да се сака, искрено, безусловно и неизмерно, сите сте поканети овде да ги споделуваме заеднички нашите спомени од секаков вид и барем на тој начин да ја сочуваме и пренесеме автентичната слика за овој град на сегашните и идни генерации, напиша историчарот на уметност Милчо Георгиевски, основачот на групата на својот профил.
„Публицитет.мк“ и досега на своите страници пласираше вакви и слични содржини и секако и натаму ќе е отворен за соработка со оваа социјална мрежа и дел од објавеното во неа ќе биде соодветно третирано и на нашиот веб портал.
Не се сомневаме дека јаваната група „Охрид кој веќе го нема“ дека за кусо ќе стане поипуларна и богата со содржини.
Публицитет.мк
