Годинешното 72 издание на Венецијанскиот филмски фестивал заврши во саботата на 12 септември со свечената церемонија на доделувањето на филмските награди. Според известувачите, одлуките на жирито за наградите од главната натпреварувачка програма предизвикале големи негодувања кои пред се’ му биле упатени на председателот на жирито Мексиканецот Алфонсо Куарон.
Главната награда„ Златен лав“ за најдобар филм му припадна на венецуелско-мексиканскиот филм „ Од далеку“ на режисерот Лоренцо Вигас. Интересно е дека станува збор за првиот венецуелски филм што во историјата на оваа кинематографија влегол во конкуренција на фестивалот во Венеција и дека воедно се работи за режисерско деби на Вигас.Филмот ја раскажува приказната за 50-годишниот Армандо од Каракас кој му плаќа на младиот гангстер Елдер за да го придружува , при што нивните животи го менуваат дотогашниот тек.
При доделувањето на наградите бил изненаден дури и самиот режисер кој во таа прикика рекол дека „ Венецуела во последните неколку години се соочува со проблеми но дека тие се извонредна нација и дека се надева набрзо ќе започнат меѓусебно да се разбираат“.
И наградата „ Сребрен лав“ која се доделува за најдобра режија ја доби еден Латиноамериканец со што уште повеќе се потврдиле сомневањата дека проработила латиноамериканската кујна. Оваа награда му припадна на Аргентинецот Пабло Траперо за мрачниот политички трилер “Клан“, кој е работен според вистински настани и личности од крајот на седумдесетите години од изминатиот век, кога целото семејство на демонскиот Франчело Пуѓо учествувало во киднапирање и убивање на луѓе во Аргентина и тоа по падот на воената хунта.
Главната награда на жирито му припадна на долгометражниот американски анимиран филм „ Аномалиса“на режисерскиот двоец Чарли Кауфман и Дјук Џонсон.
Францускиот филм „Хермелин“ на режисерот и сценаристит Кристијан Винсент освои две награди, за најдобро сценарио и наградата “Пехар Волпи“ за најдобра машка улога која му припадна сосема заслужено на извонредниот францускоит актер Фабрис Лукини.Тој во филмот игра лик на еден средовечен строг судија , викан „Двоцифрен “ заради тоа што никогаш не досудувал казни помали од 10 години. Но, како и секој жив човек и тој има точка на топење.Тоа е една поротничка која го вознемирува неговото срце.
Наградата за најдобра женска улога („Пехар Волпи“) и’ припадна на актерката Валерија Голино за улогата во италјанскиот филм „ За твоја љубов“ на режисерот Џузепе Гаудино, кој беше прикажан на последниот ден од фестивало
Наградата именувана како „ Марчело Мастројани“ која се доделува на најдобар млад актер, оваа година му припадна на малечкиот Абрахам Атах за улогата во американскиот филм „ Чудовишта без нација“ на режисерот Кери Фукунага.Филмот говори за децата –воини во африканските крвави судири.
Специјалната награда на жирито му припадна на турско-француско-катарската копродукција “ Блокада“ на режисерот Емин Алпер кој преставува голема алегорија на репресивниот политички систем и луѓето кои се присилени да бидат полициски кодоши.
Жирито на паралелната програма „ Хоризонти“ , со кое председаваше познатиот режисер Џонатан Деми за победнички филм го прогласи американско – австралискиот филм „ Навистина слободен “ на режисерот Џејк Махафи.
Наградата во рамките на оваа програма, но во категоријата кусометражен филм , и’ припадна на младата хрватска авторка Дубравка Туриќ за филмот „ Беладона “.Инаку ова евтора награда едноподруго за хрватите која тие ја освојуваат во оваа категорија.
Жирито на филмските критичари наградата Федеора за најдобар европски филм во главната натпреварувачка програма од 72 . Мостра , му ја додели на филмот „Франкофонија “. Овој вонсериски документарно-играно-есејистички филм како режисер го потпишува познатиот руски автор Александар Сокуров. Овој филм освоил и најголем број на гласови од страна на публиката.
„ Златниот лав“ заживотни дело свечено му беше врачен на францускиот режисер Бертранд Таверние. Посебна почест му беше оддадена и на легендарниот мексикански режисер Артур Рипстајн за неговата 50 годишна плодна работа.
На познатиот американски режисер Брајан Де Палма му беше врачена наградата „Слава на филмскиот творец“, додека на неговиот сонародник американскиот режисер Џонатан Деми,творецот на филмот „ Кога јагнињата ќе стивнат“ , му припадна наградата „ Визионерски талент “.
Годинешниот фестивал ,како што е познато ,започна на 2. Септември со проекцијата на филмот „ Еверст“ кој беше прикажан надвор од конкуренција.Оваа година на фестивалот беа прикажани 55 долгометражни и 16 кусометражни филмови. За главната награда на фестивалот „ Златен лав “ се натпреваруваа 21 филмови.
Годинешниот фестивал имаше и несекојдневен воведен ден кога во двораната „Дарсена“ беше одржана свечена проекција на ретаврираната копија на авторската верзија на филмот „ Отело“ , кој великанотн филмската уметност Орсон Велс го снимил во 1951 година , а веќе во наредната година ја освои наградата „ Златна палма“. Ова беше еден од многиуте настани со кои фестивалот во Венеција се приклучи кон одбележувањето на 100 години од раѓањето на овој великан.
Ѓоко Симјаноски/Публицитет.мк