Неодамна Сања Фармаковски и Данче Наумоска со свои дела изработени во длаборез и бакрорез го претставуваа Охрид на Меѓународната уметничка работилница „Културна разновиднсот “ одржана во градот Синаја , Романија.
Сега кога впечатоците им се средија обете за „Публицитет.мк велат дека се среќни што беа дел од овој настан. Не го кријат задоволството од организацијата на работилницата финансиски поддржана од фондовите на Европската унија и на дружбата со креативци од земјата домаќин Романија, но и со претставници од Турција и Велика Британија.
Општина Охрид има веќе воспоставени и блиски контакти со градот Синаја кој е во близина на Букурешт. Не поканаа нас две да учествуваме во овој проект кој во суштина беше промоција на занаетите и нивното зачувување во живот, вели Фармаковски:
-Во Синаја во организација на тамошниот културен центар „Кармен Силва“ имаше место за грнчари, за стаклари кои рачно изработуваа стаклото и на лице место обликуваа малечки украсни фигури кои подоцна беа изложени како сувенири. Филигранот беше неизбежен,а посебно беше атрактивен човекот кој својот уметнички израз го практицираше резбајќи коски. Дел од колегите мајстори ги вратија во живот ниските троножни столчиња а изработуваа и други ситници.
– На отворените штандови во градскиот парк работевме пред очите на учениците од основните и средни училишта од Синаја кои доаѓаа организирано да не посетат, како и пред љубопитните граѓани. Работевме и се трудевме да им објасниме во што се состои тајната на нашите занаети и што во суштина тие значат на пример за нас во Охрид и Македонијани вели Данче Наумоска.
– Се’ што таму изработивме ќе остане во сопственост на домаќинот – градот Синаја како дел од постојаната поставка од манифестацијата, Мене посебно ме импресионираше фактот што секојдневно покрај нас беа штитениците од Домот за деца без родители, за кои се гледаше дека таму за тие деца се води посебна грижа. Тие гледаа и нивните ментори го следеа нивниот интерес од кој некој можеби ќе одбере да го учи занатетот што му се допаднал. Но иас учев од то ашто го гледав бев љубопитна и се надевам дека дел од тоа што ме привлекуваше ќе можам да го применувам, вели Сања. Таа дала изјава и за Националниот ТВ канал а домаќините веќе им испратија и видео материјал кој еве подлу може да се види целиот тек на работилницата.
Двете понесени од она што го виделе, но и жалната слика на старите занаети во Охрид и дуќаните кои полека еден по еден се затвораат препорачуваат да се направи нешто слично и кај нас и преку работилници да се заинтересираат децата за одреден занает од кој подоцна можеби ќе можат и да живеат.
Сања Фармаковски пред романската јавност се претстави со резба во дрво со ликот на Св.Никола, а Данче Наумоска со релјеф – орнамент од ореолот на Св.Богородица, мотив од црквата Богородица Перивлептос.
Данче бакрорезот како занает го наследила од татко и’ и има свој дуќан по улицата „Гоце Делчев“ во населбата Кошишта а резбарското атеље Фармаковски е лоцирано по охридското корзо над истоимената слаткарница.
Публицитет.мк