Публицитет .мк им го честита празникот на слите граѓани во Македонија и ширум светот кои се од муслиманска вероисповест и им посакувуа среќни празници и благосостојба.
Рамазан Бајрам е празник кој се слави на крајот на месецот од постот Рамазан, месец во кој верниците го поминале во пост и молитва и се здобиле со севапи (добрини).
Прославувањето на Бајрам во Македонија и Балканските простори не се разликува многу од славењето во другите исламски земји. Возбудата за празникот започнува и пред тој да пристигне.
Ден пред Бајрам е арефе и во секоја куќа се праваат мекици кои се раздаваат на блисиките роднини, пријатели и соседи, се посетуваат грoбиштата, се чистат и се подготвуваат за посета гробовите на најбиските, бидејќи на првото бајрамско утро, таму ќе се чита молитва. Се дава фитре (прилог) на семјествата кои се посиромашни за да можат и тие да ја почувствуваат радоста во нивните куќи, исто така, по имотните семејства даваат зекат ( доброволен прилог за посироамшните). Во куќите има голема подготовка и задолжителното баклава со која ќе се служат сите гости. Секако, најголема возбуда се чувствува кај децата, секое семејство зависно од можностите им купува нова облека.
Бајрам започнува со клањање на Бајрам намаз пришто се клањаат само мажи, а веднаш потоа се посетуваат гробиштата. По враќањето во домот, семејството меѓусебно си го чесита празникот поскаувајќи си добри желби, се приготвува бајрамска трпеза и се собира целото семејство. Потоа по обичај помладите ги посетуваат постарите. Додека постарите се потсетуваат и со копнеж раскажуваат за дамнешните времиња и прославувањето на овој голем празник, децата се возбудени за парите кои што ќе ги добијат по повод празникот.
Во секој регион празникот се прославува со некои мали измени во обичаите, но традицијата за прославувањето се пренесува од поколение на поколение.
По клањањето на Бајрам намаз се посетуваат гробиштата се чита молитва на гробот од роднините и блиските, а по врќањето во домот меѓусебно се честита со семејството. Потоа следува богатат бајрамска трпеза каде се собира целото семејство. По традиција помладите ги посетуваат постарите роднини и пријатели им честитаат празник, на децата им се даваат пари за Бајрам, а тие најмногу се радуваат. Во секоја куќа се служи благо, најчесто традиционалното благо, баклава , иако во модерниве времиња во кои живееме оваа традиција се заменува со готови баклави и други слатки. Посетата трае кратко 10 – 15 миниути. Се почнува од најблиските со „Бајрам мубарек олсун“ или „за многу години“.
Публицитет.мк
