Господ ме испрати во Македонија, зашто знаев дека таму е моето срце, мојата љубов Христинчето – ни кажува Скот Пинкстер,роден Американец кој отишол во Македонија, се вљубил во Христина, земјата и нејзините луѓе, научил убаво да зборува македонски, се оженил и го зел презимето на неговата невеста.
А во меѓувреме, додека чекале за визата на Христина, пасел говеда во Мариовско за да помогне на локалниот манастир. По заминувањето во Мичиген, Христина студира нутриционизам а долгорочен план им е да се вратат во Македонија и да купат фарма на која ке одгледуваат здрава храна.
Слушнете го разговорот со Скоти и Христина. Со нив разговара Радица Бојковска – Димитровска.
Вака за австралиското радио СБС на македонски јазик ја раскажува својата животна приказна Скот Пинкстер, кој во Македонија стана Скоти Петровски.
„Не одеше некако со името Скот, знаете зошто, па сите во Македонија почнаа да ме викаат Скоти“.
Скот Пинкстер живееше во Македонија 4 години како дел од Мировниот корпус на САД (Пеаце цорпс). Брзо го научи македонскиот јазик, се заљуби во Македонија, во планините, во храната и, се разбира во Христина. Во Битола ја направија и свадбата. Сега се во САД каде Христина ги завршува студиите за нутриционизам во Америка.
Додека чекале за визата на Христина, Скоти ги пасеше говеда во Мариовско за да помогне на локалниот манастир.
„Го прашав отец Никола во селото Манастир дали сака помош. Имаше 7-8 крави. Јас се грижев за кравите. Почнаа да ме викаат Скоти гојдарчето. Уживав во тоа да бидам гојдарче. Сега, откако Христина ќе ги заврши студиите во Мичиген, нашиот план е да се вратиме во Македонија, да купиме земја и да произведуваме здрава храна“, вели Скоти.
За преземањето на презимето на невестата, Скоти вели – така ми кажа срцето, така ми дојде, го правам тоа што го сакам, не се срамам од тоа.
Со Скоти и Христина Петровски разговара уредничката на македонската редакција на СБС Радица Бојковска – Димитровска
Извор: СБС на македонски
Публицитет.мк
