Вики Клуб Охрид во поддршка на ретките болести во месецот посветен за нив
Во 2019 година се оствари соработка со Гордана Лолеска, граѓански активист во движењето за Ретки болести во Македонија и член во здружението Живот со предизвици во Македонија, со која членовите на Вики Клуб Охрид беа запознаени со тоа што значи ретка болест, со какви предизвици се соочуваат и колку се застапени во Македонија. По кратко истражување дојдовме до заклучок дека на Википедија на македонски јазик овие болести се застапени во мал број, па решивме ние како клуб да ја надополниме Википедија на македонски јазик со статии за овие болести. Во 2019 година надополнавме и уредивме дваесеттина статии за дијагнозите за ретки болести, а во 2020 година во месец февруари секојдневно се објавуваа статии за по една дијагноза за ретка болест.
За веќе стореното, станавме партнери и пријатели на Светската организација на ретки болести, од каде што го поздравуваат нашиот волонтерски ангажман за ретките болести.
Но, активностите на Вики клуб Охрид, поврзани со пишувањето статии за ретките болести се најдоја и во јануарското издание 2020 година на месечниот весник за едукација на Википедија.
Овој месец им го посветуваме ним, на РЕТКИТЕ БОЛЕСТИ, односно, како што тече кампањата, секој ден во месец февруари (и оваа 2021 година) на медиумите да биде одбележан со по една ретка болест, така ние, членовите на Вики клуб Охрид уредувавме по една статија на ден, истата која одеше на медиумите, на Википедија на мекедонски јазик, со што го дадовме својот придонес кон оваа кампања.
Вики клуб Охрид функционира со ученици од 13 до 18 години и сите заинтересирани се добредојдени да партиципираат на енциклопедијата Википедија на македонски јазик, под раководство на Наташа Неданоска, координатор за образование на ГЛАМ Македонија во Охрид.
Публицитет.мк
