Јункер на учесниците на самитот во Брисел веќе им испратил план од 16 точки.
„Секој ден е важен. Ако не се најде решение наскоро ќе видиме цели семејства како умираат на ужасен начин во ладните реки на Балканот”, предупреди Јункер во интревјуто за „Билд“.
Од почетокот на годинава повеќе од 500.000 бегалци влегоа во Европа преку Балканот.
Вчера во Софија лидерите на Бугарија, Романија и Србија порачаа дека се спремни да ги затворат своите граници, доколку тоа го направат Германија и Австрија за да го сопрат приливот на бегалци. Српскиот премиер Вучиќ кажа дека сите три земји се договориле дека не можат да прифатат сценарио според кое во Србија би биле сместена два до три милиони бегалци.
Денеска на средбата во Брисел ќе учествуваат шефовите на Австрија, Бугарија, Хрватска, Германија, Грција, Унгарија, Романија, Холандија, Словенија и Шведска, членки на ЕУ и на Македонија и Србија.
Од Македонија во Брисел ќе присуствува претседателот Ѓорге Иванов. Според предлозите за заклучоците од денешниот состанок, сите земји треба да се обврзат дека ќе престанат со политиката на пропуштање на бегалците без претходно за тоа да се договорат со своите соседи.
Извор: мкд.мк
