Во Струмица на Фестивалот на камерен театар ќе се натпреварува и Охридскиот театар

 Според директорот на Фестивалот Ванчо Патриков годинава за Медалјонот со ликот на Ристо Шишков и парична награда од 1.500 евра ќе се натпреваруваат околу педесетина актери во 12 претстави.

 

Во таа силна конкуренција во трка по наградите во четврток 10 септември ќе бидат и актерите од Народниот театар од Охрид  кои се дел од претставата „Стари времиња“од Пинтер во режија на Нела Витошевиќ.  

Фестивалот на актерот годинава ќе трае пет дена во кои љубителите на театарската уметност ќе проследат 12 претстави на театри од Македонија, Србија, Бугарија, Албанија, Русија и Ерменија, а во чест на наградениот актер во сабота ќе ја проследиме претставата „Кирил и Методиј-Кој си ти !?“ во изведба на актерите од НТ „Војдан Чернодримски” од Прилеп, 

Годинашното 23-то издание на ИФКТ „Ристо Шишков“ финансиски е подржано од НЕТА (Нова европска театарска асоцијација), Советот на Европа за култура и Општина Струмица.

Публицитет.мк