Да се биде верен на огништето на предците не значи да се чува пепелта туку да се пренесува пламенот.
Денешниов ден Втори Август – Илинден преставува најсветол датум кој се возвишува и во 1903 (започнало Илинденското востание) и 1944 година (одржано Првото заседание на АСНОМ) и ја обележува истрајноста на македонскиот народ, но и неговата пожртвуваност за своја сопствена македонска држава. Втори Август и во денешно време ја симболизира континуираната борба за зачувување на државноста, за истрајноста на нашите цели бидејќи тоа е основното што им го должиме на изминатите генерации, но и на генерациите кои доаѓаат.
Овој празик е вечно потсетување на она што го имаме и што го живееме денеска.
Перото и Мечот беа, сè и ќе бидат главните инструменти за функционирање на работата кон националното единство. Тоа се нашите инструменти во нашата историја како суштински елементи на формираната држава денес.
Целата светска историја еволуираше и го составуваше своето политичко и национално единство со помош на овие два незаменливи елементи и како состав на животот, Мечот и Перото. Мечот, т.е. херојството, крвта, емотивноста, темпераментот е една карактеристика со која можеше да се постигне нашето единство, а Перото, интелигенцијата, мудроста, умноста, агилноста, дипломатијата го надополнија принципот на men sano in corpore sano (здрав ум во здраво тело).
Мечот и Перото, со нивните здружени сили, ја елиминираат политичката и националната инвазија на туѓиот и странски елемент во една цврста, добро уредена и обединета држава. Тоа е принцип на повисоко значење на постоењето, теорија на правно постоење на една држава.
Нашите великани (човек со исклучително ценети духовни особини, кој извршил големо влијание врз човештвото; значаен, познат, голем човек) во Перото и Мечот беа многу остри и доста храбри во оваа доследна работа. Мечот и Перото ја создадоа нашата нација, нашиот народ и нашиот единствен јазик.
Мечот не направи јаки, силни и здрави и го сочува она што ни е важно, душата и храброста. Перото со својот разум истура мисли и со својата боја со една македонска боја го осветли нашето образование и култура.
Нека ни е честит и вековит Илинден, Втори Август – Денот на Републиката, светилникот на нашата борба за сопствена држава.
Пишува
Академик д-р Миле Д. Миќуновиќ од Охрид
Публицитет.мк
