Оваа година за Новата година, ја имав таа среќа да сум три дена покрај Јадранското Море и преминот од 2015 во 2016 да го поминам на преполниот плоштад во Будва.
Будва уште со самото наше пристигнување, веднаш успеа да ни го одземи здивот со своите плажи и безбројни продавничиња покрај брегот. Стариот дел на градот со своите малечки и тесни улички, потсеќа на Венеција, а градбата на објектите и нивната историја, се мамка за секој турист.
Познат како еден од омилените туристички дестинации во Хрватска, Дубровник успеа да не` маѓепса со својата древна архитектура и новогодишните тезги и украси. Истиот ден, кога бевме, се оддржуваше маратон во трчање, којшто само уште повеќе ја покажа раздвижаноста на градот и активноста на жителите. Разбрануваното море само ја посочуваше убавината на градот, давајќи им израз на многубројните јахти, додека мирисот на солените бранови беше тоа што не ни дозволуваше да го напуштиме Дубровник.
Како наша последна дестинација, го избравме Котор, уште еден прекрасен град, со древни градби и привлечна архитектура, којшто за наша (не)среќа беше скоро празен, бидејќи сепак тоа е еден град познат како доста посетена летна дестинација.
5, 4, 3, 2, 1… СРЕЌНА НОВА ГОДИНА! Доаѓањето на Новата година, го поминавме на плоштадот во Будва, каде народ од целиот Балкан беше собран за концертот на Здравко Чолиќ, којшто направи извонредна забава. Втората вечер, со добро друштво, ја поминавме во еден од баровите во тесните улички на Будва, потоа продолжувајќи на плоштад, каде заедно со Џибони ја испеавме неговата „Либар“.
За сите на коишто не сакаат да ја поминуваат Новата година на еден ист, „традиционален“ начин и се подготвени за уживање, дружење и забава, посетата на овие три места нека ви биде иден новогодишен план. Иако цените на производите се малку повисоки од оние во Македонија, сепак вреди да се посетат Будва, Дубровник и Котор и да оставите да ве понесат со својата магија. Ако не ми верувате, во прилог се неколку фотографии за да се одлучете сами.
Текст и фотографии:
Дамјана Видическа, Публицитет.мк
