Медицинските експерти постојано упатуваат на позитивното дејство на чоколадото на човековото здравје. Освен тоа што ја спречува депресијата, затоа што поттикнува среќа, чоколадото ја зголемува и мозочната активност, а најважно е паметењето и концентрацијата.
Луѓето кои јадат чоколадо барем еднаш неделно се покажале подобро на тестовите за когнитивни способности од оние кои ретко уживаат во него, докажала новата студија која ја спровеле научници од Универзитетот во Мејн, Универзитетот Јужна Австралија и Институтот за здравје во Луксембург.
Во студијата, објавена во списанието “Аппетите”, учествувале 968 луѓе со возраст помеѓу 23 и 98 години.
Научниците, исто така истакнуваат дека ризиците од повишен крвен притисок и дијабетес од типот 2, е понизок кај оние кои редовно внесуваат чоколадо во својот организам.
Заклучокот на научната работа е дека идните истражувања ќе бидат пресудни за детални увиди во поврзаноста на чоколадото богато со какао флаванол и невропсихичкото здравје, како и механизмите кои ги поврзуваат.
Најважно е во идните студии прецизно да се утврди оптималната количина на флаванол од какао која треба да се внеси, за да се одреди краткорочниот и долгорочниот ефект.
Извор: www.zdravjeizivot.mk
