Генерално, туширањето се смета за поздрав начин на чистење од капењето, кое подразбира седење во вода преполна со мртви клетки и нечистотии.
Експертите предупредуваат дека секојдневното туширање, колку и да е пријатно и посакувано во периодот на големи горештини и зголемено потење, не е толку здраво за кожата затоа што ја суши природната масност која служи како заштита.
Агресивните средства со многу детергент можат да предизвикаат прекумерно сушење, па и потење, па се советува само повремено да се користат гелови за туширање, а почесто да се миете само со обична вода.
Навиките на туширање се често и културолошки, па на пример во Азија луѓето почесто се тушираат навечер, додека во САД обично се тушираат наутро. Во Европа нема такви правила, па љубителите на утринско како и вечерно туширање се во сличен број.
Предности на утринско туширање:
1. Утринскиот туш ќе ве разбуди подобро отколку кафе – ја поттикнува циркулацијата и го забрзува пулсот, со што телото го става во функција и овозможува подобра концентрација во утринските часови.
2. Туширањето наутро е подобро за луѓето со масна и нечиста кожа, со оглед на тоа што во текот на ноќта се потиме па се лачи себум кој цел ден останува на површината на кожата и може да ги затвори порите. Се советува користење на млака вода.
3. Утринското туширање ја олеснува напнатоста во мускулите, па со тоа е одличен начин да ја намалите укоченоста на вратот или болката во грбот.
Предности на вечерното туширање:
1. Туширањето навечер е одличен начин на опуштање после напорен работен ден. Тушот го намалува крвниот притисок и го намалува стресот.
2. Вечерниот туш ќе ви помогне побрзо да заспиете – тој е потврден лек за несоница затоа што делува смирувачки и му сигнализира на телото да започне со лачење на мелатонин, хормон кој го поттикнува сонот.
3. Вашата постелнина ќе биде чиста ако се туширате пред спиење. Имено, дури и себе си да се сметате за исклучително чиста личност, себумот и мртвите клетки се таложат на кожата.
Извор: tocka.com.mk
