Викендов што доаѓа Таеквон-до клубот „ХВА РАНГ ИТФ“ Лескоец-Охрид ќе учествува на Меѓународен Таеквондо ИТФ А класа турнир „3 Гран При Зворник 2022“ во БиХ кој е најсилен турнир за пролетната натпреварувачка сезона на Балканот и пошироко, каде што го имаат пријавено своето учество повеќе земји.
Нашиот клуб ќе настапи под водство на тренерот Марјанчо Лазаревски црн појас В дан. На овај натпревар одлучивме боите на клубот а воедно и на Македонија да ги бранат 20 натпреварувачи , од кои 5 редовни натпреварувачи а 15 дебитанти кои се надеваме дека добро ќе не претстават иако конкуренцијата е голема, вели Марјанчо Лазаревски , кој користи прилика да изрази најголема благодарност до нивниот генерален спонзор „ПН МЕТАЛ“ кој е најзаслужен за нивното учество на овај престижен натпревар,а и за сите нивни учества на најпрестижните турнири како и за нивните огромни успеси.
Исто така од клубот го најавуваат нивниот турнир “ОХРИД ОПЕН 2022”,кој е меѓународен Таеквон-до ИТФ турнир и ќе се одржи на 25 јуни 2022 во СРЦ „Биљанини извори“, каде ќе имаме можност да ги гледаме нашите натпреварувачи и да уживаме во убавините на овој атрактивен спорт.
Публицитет. мк
