– Деновиве, поточно на Голема Богородица, 28 август се соочив со една непријатност, возејќи велосипед од Охрид кон излетничкото место Корита на Галичица.
На крстосницата на регионалниот пат Охрид – Св. Наум – Отешево беше поставена рампа на која за поминување се бараше да се наплати такса за велосипеди од 30 денари. Се изненадив затоа што досега многупати сум ја поминал таа релација и никогаш не се бараше да се наплати такса за поминување на велосипедисти.
Прашањето до надлежните инстируции е дали таксата која се наплаќа е еколошка или се наплаќа патарина? Ако таксата е еколошка што подразбира заштита од загадување, тогаш прашањето ми е зошто се наплаќа и на велосипедисти кои воопшто не загадуваат?
Ако пак се наплаќа патарина, тогаш ме интересира по која основа се наплаќа истата? Се надевам дека надлежните институции ќе ми одговорат на поставените прашања.
Со должна почит,
Д-р Ристо Спанаќов, радиолог, поранешен пратеник и член на комисијата за заштита на животната средина.
Објавените текстови во рубриката АРГУМЕНТИ ЗА … на „Публицитет.мк “ се лични ставови на авторите, а не се ставови на редакцијата.
Публицитет,мк
