Мојра Орфеј, „кралицата на циркусот“ почина во саботата вечерта на 84-годишна возраст, во својата циркуска прикола, во која го мина поголемиот дел од животот…
Мојра имаше статус на ѕвезда во Европа, а посебно беше популарна во Италија каде се прослави и како актерка и телевизиска водителка. Таа е родена во циркуско семејство на 21 декември 1931 година како Миранда Орфеј. Своето уметничко име Мојра го добила по предлог на познатиот режисер Дино де Лаурентис. Својата кариера ја почнала во шестата година, како јавачка и виртуоз на трапез. Иако, речиси целиот живот го мина во циркуските шатори, таа има глумено и во повеќе од 40 филмови, при што многумина филмски критичари ја споредуваа со Софија Лорен.
Мојра беше позната по својот ексцентричен и темпераментен карактер, кој не го промени ни на врвот на својата кариера. Пред девет години таа имаше мозочен удар, од кој се опоравуваше подолго време.
– Ние на нашата публика не и нудиме циркуска претстава, туку комбинација на театар, танц и мјузикл, изјави Мојра во една прилика, говорјеќи за циркисот во кој работеше.
Извор: cooltura.mk
